Foto: Sý resýrstary jáne ırrıgasııa mınıstrligi
Naqty ataǵanda, mınıstr Shardara sý qoımasyn aralady. Sodan keıin «Dostyq» memleketaralyq kanalynyń jumysyn tekserdi. Búginde Jetisaı jáne Maqtaaral aýdandaryna sý osyǵan deıin jasalǵan halyqaralyq kelisimderge sáıkes jetkizilip otyr. Dıqandarǵa sý kezekpen berilip jatyr. Bul rette kanaldyń tómengi aǵysyndaǵy sharýa qojalyqtaryna basymdyq beriledi.
Sala mınıstrliginiń málimetinshe «Dostyq» memleketaralyq kanaly arqyly sýdy ótkizý jaǵdaıyn jaqsartý maqsatynda Túrkistan oblysyndaǵy «Qazsýshar» RMK fılıaly «Mashınalyq ádispen sý kóterý kanalynda» mehanıkalyq tazartý jumystaryn júrgizgen.
Nurjan Nurjigitovtiń aıtýynsha vedomstvo oblysta sýdyń berilýi men bólinýine táýlik boıy baqylaý júrgizip otyr.
«Biz jergilikti atqarýshy organdarmen tyǵyz jumys istep, kórshi elderdegi áriptestermen turaqty baılanystamyz. О́ńirdegi sý sharýashylyǵy jaǵdaıyna monıtorıng júrgizip otyratyn jumys toptary quryldy. Basty mindetimiz – aýa raıynyń qolaısyz jaǵdaıyna qaramastan, sý jetkizý boıynsha kelisimshart jasasqan sharýalar aldyndaǵy mindettemelerdi oryndaý», dedi mınıstr N.Nurjigitov.
