10 tamyz kúni Qonaev qalasyndaǵy Abaı eskertkishi aldynda oblys ákimi Marat Sultanǵazıev bastaǵan oblysymyzdyń zııaly qaýym ókilderi gúl shoqtaryn qoıyp, taǵzym jasady.О́ńir basshysy quttyqtaý sóz sóılep, artynan oblys ónerpazdary uly aqynnyń ánderin oryndady.
Mereıtoılyq baǵdarlamada Almaty oblysynyń erekshe syıy da oryn aldy. Uly aqynnyń 180 jyldyǵyna oraı Almaty oblysy Abaı eline «Altyn adam» músinin tartý etemiz. Bul qadam – qurmet pen dostyqtyń belgisi, sondaı-aq eki óńir arasyndaǵy rýhanı baılanysty nyǵaıtýdyń basty sımvoly bolady.
Abaı oblysynda mereıtoıǵa oraı Qazaqstannyń halyq ártisi, Memlekettik syılyqtyń ıegeri Seken Turysbekovtiń jetekshiligimen «Aq jaýyn» memlekettik kameralyq orkestri jáne Almaty oblysynyń ártisteriniń qatysýymen «Abaı joly» atty úlken rýhanı konsert berdi. Bul shara kórermender úshin uly aqyn shyǵarmashylyǵy álemine jasalǵan úlken rýhanı saıahatqa aınaldy.
"Abaı – qazaq halqynyń ǵana emes, búkil álem tamsana qaraıtyn uly tulǵa. Onyń sózi búginde bar halyqty shabyttandyryp, kemeldendiredi. Biz aldaǵy ýaqytta da Abaı shyǵarmashylyǵyn jastar arasynda keńinen nasıhattaı beremiz", - dedi Almaty oblysynyń ákimi Marat Sultanǵazıev.
