Foto: innovationcampus.ru
Búginde elimizde 8 myńnan astam mektep jumys isteıdi. 1 qyrkúıekte 4,1 mln oqýshy, onyń ishinde 341 myń búldirshin birinshi synypqa barady. 232 myń oqýshy 11-synypqa aıaq basady.
Mınıstr jańa oqý jylynyń jańalyǵy retinde bilim berý úderisine JI elementteri kezeń-kezeńimen engiziletinin aıtty.
2025-2026 oqý jylynda JI ıntegrasııasy «Sıfrlyq saýattylyq» jáne «Informatıka» pánderinen bastalady. Bul baǵytta orta bilim berý júıesinde jasandy ıntellektti qoldanýdyń etıkalyq standarttary bekitilgen. Oqýshylar úshin Day of AI onlaın kýrstary, al pedagogter úshin úsh deńgeıli biliktilikti arttyrý kýrstary ázirlengen.
«Memleket basshysynyń tapsyrmasy boıynsha basqarýdyń jańa standarty ázirlenip, 3 myńnan astam pedagogter úsh deńgeıli oqytýdan ótti. Atalǵan model óz jumysyn osy jyldyń qyrkúıek aıynan bastaıdy», dedi Ǵanı Beısembaev.
Ǵanı Beısembaev «Keleshek mektepteri», jańa formattaǵy mektepterdi basqarý máselesin de qozǵady.
