Ǵalymdar jasandy ıntellekt kómegimen adamnyń daýysy arqyly rak aýrýyn erte satysynda anyqtaýǵa bolatynyn aıtyp otyr. Jańa zertteýge sáıkes, qysqa daýys jazbalaryn taldaý arqyly JI daýys joldaryndaǵy qalyptan tys óskinderdi, zııansyz túıinshelerden bastap larıngaldi (óńesh) raktyń alǵashqy belgilerine deıin anyqtaı alady.
Bul tásil daýys joldaryndaǵy isikterdi jyldam ári ońaı dıagnostıkalaýǵa múmkindik berýi múmkin. Zertteý avtorlarynyń biri, AQSh-taǵy Orıgon Densaýlyq jáne Ǵylym Ýnıversıtetinde klınıkalyq ınformatıka salasynda postdok zertteýshisi Fıllıp Djenkıns:
«Bul derekter jıyntyǵy arqyly daýys bıomarkerlerin paıdalanyp, daýys joldarynda zaqymdanýy bar naýqastardyń daýystaryn saý adamdardyń daýystarynan ajyrata alamyz», – dep túsindirdi.
Zertteý nátıjeleri áli bastapqy sıpatta bolsa da, bolashaqta qarapaıym daýys jazbasy arqyly rak aýrýyn erte anyqtaýdyń jańa múmkindikterin asha alady.
