Is-sharaǵa Qazaqstan tarapynan Mádenıet jáne aqparat mınıstrligi Arhıv, qujattama jáne kitap isi komıteti tóraǵasynyń orynbasary Rollan Quspan jáne Qazaqstan Respýblıkasynyń Gýanchjoý qalasyndaǵy bas konsýly Ýálıhan Sársembekov qatysty.
Jármeńke sheńberinde Mádenıet jáne aqparat mınıstrliginiń, Qazaqstan Respýblıkasynyń Qytaı Halyq Respýblıkasyndaǵy elshiliginiń, sondaı-aq «Beijing Glize Cultural Media Co., Ltd.» kompanııasynyń qoldaýymen Qazaqstannyń ulttyq pavılony tanystyryldy.
Pavılonda qazaq baspalarynyń basylymdary, qytaı ádebı shyǵarmalarynyń qazaq tiline jáne otandyq avtorlar shyǵarmalarynyń qytaı tiline aýdarmalary, sondaı-aq Qazaqstannyń saýda-ekonomıkalyq jáne týrıstik áleýeti týraly aqparattyq materıaldar usynyldy.
Ekspozısııa qytaılyq kórermenderdiń zor qyzyǵýshylyǵyn týdyrdy. Jármeńke aıasynda «Abaı joly» keıipkerleri jáne Abaı» jáne «Abaı. О́leńder men poemalar» atty jańa basylymdardyń tusaýkeseri ótti.
Bul eńbekter uly aqyn murasyn keń oqyrman qaýymǵa nasıhattaýǵa baǵyttalǵan. Is-sharaǵa Gýandýn provınsııasy nasıhat departamentiniń ókilderi qatysty.
Jármeńkege Birikken Arab Ámirlikteri, Vetnam, Germanııa, Mysyr, Qatar, Qyrǵyzstan, Malaızııa, Nıderland, О́zbekstan, Polsha, Sıngapýr, Taıland, Fransııa elderiniń baspalary men mádenı uıymdary qatysyp jatyr.
