Foto: egemen.kz/ Erlan Omar
Bıyl kómek 500 myńnan astam balaǵa kórsetiledi. Onyń ishinde – jetim balalar, ata-anasynyń qamqorlyǵynsyz qalǵandar, az qamtamasyz etilgen jáne ataýly áleýmettik kómek alýshy otbasylardyń balalary, sondaı-aq ómirlik qıyn jaǵdaıǵa tap bolǵan balalar bar.
Búginde Astana men Shymkent qalalarynda qarajat tolyq kólemde aýdarylǵan.
«О́ńirler ata-analardyń esepshottaryna qarajatty belsendi aýdaryp jatyr. Kómek alǵandar satyp alynǵan taýarlardy rastaıtyn qujattardy usynýy tıis. Tólemdi alý úshin ótinish jazý jetkilikti», dedi Oqý-aǵartý mınıstrligi Balalardyń quqyqtaryn qorǵaý komıtetiniń tóraıymy Nasymjan Ospanova.
2025 jyly «Jalpyǵa birdeı bilim berý» qory boıynsha jalpy qarjylandyrý kólemi 23,1 mlrd teńgeni quraǵan. Tólem mólsheri óńirlik bıýdjetke sáıkes, máslıhat sheshimi negizinde belgilenedi jáne bir balaǵa keminde 46 228 teńgeden tómen bolmaýy tıis.
Aıta keteıik, 2023 jyldan beri materıaldyq kómek kólemi 2,5 esege ósip, 17 myńnan 46 myń teńgege deıin artqan.
