Jıynǵa elimizdegi 190-nan astam tirek mekteptiń ókilderi jınaldy. Olar aýyl mektepterin jańǵyrtý tájirıbesimen bólisip, kásibı keısterin ortaǵa saldy. Abaı oblysy Aıagóz aýdanyndaǵy kópsalaly kazaq gımnazııasynyń dırektory Aınur Qanapııanova «shaǵyn mektepter ózgerýden qoryqpaý kerek» dese, Aqtóbe oblysynan kelgen Erkinbek Zııadınov jasandy ıntellekt pen sıfrlyq tehnologııalardy qoldaný tájirıbesin tanystyrdy.
«Aýyl mektebi powered by NIS» jobasy búginde 193 tirek mektepti qamtyp otyr. Baǵdarlama ınfraqurylymdy jańǵyrtýdy, zamanaýı zerthanalar ashýdy, sıfrlyq ortany damytý men pedagogterdi ádistemelik turǵydan qoldaýdy kózdeıdi.
NIS basqarma tóraǵasy Ánýar Janǵozınniń aıtýynsha, tirek mektepterdiń mıssııasy – aýyldaǵy ár balanyń sapaly bilim alýyna jol ashý. «Búgingi tańda aýyl mektepteri jańa múmkindikter ortasyna aınalyp otyr», dedi ol.
Bul bastamany «Qazaqstan halqyna» qory, Bilim berý salasyn turaqty damytý qory jáne ózge de seriktester qoldap keledi. Qor tóraıymy Lazzat Chınkısbaeva jobanyń bilim berý júıesin qaıta túletýge yqpal etip jatqanyn atap ótti.
Ulttyq deńgeıdegi forýmdar men halyqaralyq yntymaqtastyqtyń arqasynda tirek mektepter «Made in Kazakhstan» úlgisindegi tabysty tájirıbege aınaldy.
