Mádenıet jáne aqparat mınıstrligi Arhıv, qujattama jáne kitap isi komıtetiniń tóraǵasy Rýstam Álı memleket tarapynan kitaphana salasyna júıeli qoldaý kórsetiletinin, sondaı-aq, mınıstrlikke qarasty kitaphanalardy modernızasııalaý men olardyń damýyna basa mán beriletinin atap ótti.
Selangor shtatynyń Bas mınıstri Amırýdın bın Sharı Qazaqstanmen mádenı baılanystardy keńeıtýge múddeli ekenin bildirdi. Ol ıslam murasyn zertteý aıasynda Ábý Nasyr ál-Farabı men Qoja Ahmet Iаsaýı eńbekterin malaı tiline aýdarýǵa yqylas tanytty. Sonymen birge balalar kitaphanalarynyń áleýetin arttyrýǵa erekshe nazar aýdaryp otyrǵanyn aıtty.
Selangor Qoǵamdyq kitaphanasy korporasııasynyń dırektory Mastýra bıntı Hadjı Mýhammad pen Qazaqstan Respýblıkasy Ulttyq kitaphanasynyń dırektory Ǵazıza Qudaıbergen ózara seriktestikti damytýǵa baǵyttalǵan memorandýmǵa qol qoıdy.
Kezdesý barysynda taraptar sıfrlandyrý, tájirıbe almasý, jańa servıster engizý máselelerin talqylady.
