«Beıbarys sultan» – astanalyq teatr afıshasyndaǵy sátti spektaklderdiń biri. Onda avtorlar joǵary bılikke qol jetkizýdiń artynda ne turǵany, keıipkerdiń taqqa jaıǵasý úshin jáne bılikti ýysynda ustap qalý úshin qandaı qurbandyqqa baratyny týraly oı tolǵaıdy. Baıtaq dalanyń beınesi jáne Otanǵa degen saǵynysh spektakldiń leıtmotıvine aınaldy. Qoıylymdy qoıýǵa talantty óner qaıratkerleri – kompozıtorlar – Hamıt Shańǵalıev pen Álibek Álpıev, lıbretto avtory – aqyn, Qazaqstannyń eńbek sińirgen qaıratkeri Baqyt Qaıyrbekov, sýretshi-ssenograf – Leonıd Basın, kostıým sýretshisi – Asıa Soloveva, jaryq sýretshisi – Arsenııa Safıýllına qatysty.
«Biz jańa maýsymnyń ashylýyna daıyndyq ústindemiz, teatrda jumys qyzý júrip jatyr. «Beıbarys sultan» baletiniń repetısııasymen qatar, jańadan qosylǵan jas ártisterdiń spektaklge qosylýy da qatar júrip jatyr. Beıbarystyń basty partııasyn jetekshi solıster oryndaıdy. Solardyń qataryndaǵy Súndet Sultanov pen Erqanat Ermaǵambet úshin bul debıýt bolmaq», deıdi teatrdyń kórkemdik jetekshisi Nurlan Kanetov.
О́ner ujymy qyrkúıek aıynda gastroldik baǵdarlamasyn josparlap otyr. 12–14 qyrkúıek aralyǵynda Qostanaı turǵyndary «Karmen-sıýıta» jáne «Taǵdyr bultarystary» bir aktili baletterin, sondaı-aq «Uly dala murasy» ulttyq dıvertısmentin tamashalaıdy. Al 20 qyrkúıekte 19 jylyn balet sahnasyna, onyń 8 jylyn bizdiń teatrymyzǵa arnaǵan Farhad Býrıevtiń benefısi ótedi. 27 qyrkúıekte sımfonııalyq orkestr «Esimder. Double Concerto» konsertin qoıady.
