Osynaý Kenshiler kúni jáne bıylǵy Jumysshy mamandary jyly aıasynda 2019 jyly Memleket basshysy Qasym-Jomart Toqaev ózi baryp, iske qosqan elimizdegi beldi ken oryndarynyń biri Aqtoǵaı ken ornynda taý-ken masteri bolyp isteıtin Azamat Jumahanovpen kenshilerdiń qaýipsizdigi máselesi týraly sóılesip edik.
Azamat KAZ Minerals Aktogay kompanııasynyń bólgen grantymen joǵary bilim alyp, sol ken ornyńda jumys istep júrgen tájirıbeli maman.
– Men Aıagóz aýdany Tańsyq aýylynda óstim. Mektepti Kamal Kadyrjanov atyndaǵy Qyzylqııa orta mektebinde bitirdim. Tálimger baǵdarlamasy arqyly 2018 jyly D.Serikbaev atyndaǵy Shyǵys Qazaqstan memlekettik ýnıversıtetine oqýǵa tústim. GEOVIA Surpac, GEOVIA MineSched mamandyqtar úzdik bitirdim. Odan osy kompanııada eki jyl tájirıbeden ótim. Búginde Aqtoǵaı ken ornynda taý-ken masteri bolyp jumys isteımin, – deıdi ol.
Shahter mamandyǵy aýyr jáne qaýipti kásip túrine jatady. О́ndiriste bolatyn tótenshe oqıǵalar saldarynan qanshama kenshi qaza taýyp nemese túrli jaraqattarǵa ushyrap jatady. Mine osyndaı, salaǵa jaýapty maman Azamat Jumahanovtyń aıtýynsha, ken oryndaǵy basty jetistik ken qazý emes, jumysshy mamandardyń amandyǵy men densaýlyǵy.
– Qaramaǵymda 120 adam jumys atqarady. Men solardyń qaýipsizdigine, karerdegi bolyp jatqan jaǵdaılarǵa baqylaý jasap, ózime berilgen jaýapty mindetti oryndaımyn. Eńbek qaýipsizdigi óte joǵary mán beremiz. Kompanııada Goal-zero dep atalatyn uǵym bar, nóldik qaýiptilik dep aýdarylady. Ol úshin kóptegen is-sharalar qoldanylady. Eńbek aqymyz ýaqytyly beriledi, jumys kıim bári jaqsy ári joǵary sapada, – deıdi taý-ken masteri.
Abaı oblysy
