Foto: Ashyq derekkóz
4,3 mlrd teńge kólemindegi qarjylandyrýdyń negizgi somasy 9 nysanǵa bólinetin bolady.
- 1,8 mlrd teńge 1,7 myńnan astam turǵyny bar Qaratóbe aýdanynyń Tólen, Sáýle jáne Qaraqamys eldi mekenderine jańa tarmaq salý arqyly sýmen jabdyqtaýdyń magıstraldy júıelerin salýǵa;
- 2,5 mlrd teńge Terekti, Qaratóbe aýdandarynyń 8 aýylynda, sondaı-aq Báıterek aýdanynda sýmen jabdyqtaý jelilerin salýǵa baǵyttaldy.
Sonymen qatar buǵan deıin Báıterek aýdanynyń Kırsanov aýylyn sýmen qamtýǵa jáne Jánibek aýdanyndaǵy Ýrdın toptyq sý qubyryn qaıta qurýǵa 1,2 mlrd teńge bólingen bolatyn. Qazirgi tańda bul jobalardyń 60%-y oryndalǵan.
Atalǵan sharalar Memleket basshysynyń halyqty sapaly aýyz sýmen tolyq qamtamasyz etý jónindegi tapsyrmasyn oryndaýǵa baǵyttalǵan. О́nerkásip jáne qurylys mınıstrliginiń derekterine sáıkes, Batys Qazaqstan oblysynda qazir sýmen qamtý deńgeıi qalalarda – 100%, aýyldyq eldi mekenderde – 97% bolyp otyr.
Búgingi kúni Arnaýly memlekettik qor esebinen 400-den astam áleýmettik mańyzy bar nysannyń qurylysyna 375 mlrd teńge bólingen. Olardyń qatarynda mektepter, aýrýhanalar, sport keshenderi, sýmen jabdyqtaý ınfraqurylymy jáne basqa da nysandar bar. Sonyń ishinde 44 nysan tolyq aıaqtalyp, paıdalanýǵa berilgen.
