Foto: Erlan Omar
Resmı statıstıkaǵa sáıkes, ataýly áleýmettik kómek alýshylardyń sany sońǵy jyldary birtindep azaıyp keledi. 2023 jyly bul kórsetkish 168 myń adam bolsa, 2024 jyly 97 myńǵa deıin tómendegen. Al 2025 jyly kómek alýshylardyń sany 91 myń adamdy quraǵan.
Tekserý barysynda birqatar otbasylar ótinish berý kezinde bir mekenjaıdy kórsetkeni belgili boldy. Budan bólek, 56 ótinish boıynsha jalǵan qorytyndylar rásimdelip, sonyń saldarynan 9,7 mln teńge zańsyz tólengen.
Sonymen qatar 22 otbasy ózderine tıesili múlikti (kólik, jer telimi jáne basqa da aktıvter) jasyryp qalǵan. Al taǵy 13 otbasy tabysyn kórsetpeı, áleýmettik tólemderge zańsyz qol jetkizgen.
«Atalǵan zań buzýshylyqtar boıynsha prokýrorlarmen ákimdikke zańdylyqty buzýshylyqtardy joıý jáne 36 mln teńgeden astam qarajatty qaıtarý týraly usynys engizildi. Búgingi tańda ákimdik aktini qaraý barysynda zań buzýshylyqtardy joıý jóninde sharalardy qabyldap jatyr», delingen habarlamada.
