Foto: Ashyq derekkóz
Prezıdent atap ótkendeı, «Keleshek mektepteri» ulttyq jobasy aıasynda josparlanǵan 217 mekteptiń 150-i qazirdiń ózinde jumys istep tur. Qalǵan mektepterdiń qurylysy aldaǵy úsh aı ishinde aıaqtalýy tıis.
«Sıfrlyq tehnologııalar jahandyq eńbek naryǵyn jyldam ózgertip jatyr. Álemde jasandy ıntellektimen jumys isteýdiń qyr-syryn biletin mamandarǵa degen suranys jyl ótken saıyn artyp keledi. Jumys úderisteriniń edáýir bóligi sıfrlyq tehnologııalardy engizý arqyly avtomattandyrylatyny anyq», dedi Qasym-Jomart Toqaev.
Sol sebepti, Qasym-Jomart Toqaevtyń tapsyrmasymen 100 myńǵa jýyq stýdentti tehnologııalyq jobalarǵa tartýdy kózdeıtin Al-Sana baǵdarlamasy júzege asyryla bastady. Alaıda jasandy ıntellektimen jumys isteý quziretin qalyptastyrý áldeqaıda erte jastan, ıaǵnı mektep qabyrǵasynan qolǵa alynýǵa tıis ekeni atap ótildi.
«Osyǵan oraı birqatar bastamany júzege asyrǵan jón. Eń aldymen, mektep oqýshylaryna arnalǵan jasandy ıntellekt negizderi týraly baǵdarlama jáne oqý materıaldaryn ázirleý qajet. Ustazdardyń jasandy ıntellekt tehnologııasyn meńgerý daǵdysyn da qalyptastyrý kerek bolady. Qashyqtan oqytý tásili jáne jasandy ıntellekt tehnologııasy negizinde «Qazaq Digital Mektebi» atty shaǵyn jınaqty mektep úlgisin ázirleýimiz qajet. Mundaı platforma aýyldaǵy oqýshylardy sapaly oqý tásilderimen qamtamasyz etýge múmkindik beredi», dedi Memleket basshysy.
Elordada balalardy damytý ortalyqtaryn jeke qarajat tartý arqyly salý tájirıbesi bar. Prezıdent muny barlyq aımaqqa taratý qajettigin aıtty. Kóptegen kásipker dál osy másele boıynsha kómek kórsetýge ázir ekenin bildirip jatyr. Ákimder osyndaı jobalardy júzege asyrýǵa kásipkerlerdi belsendi túrde jumyldyrýy kerek.
