Oǵan esh tańdanýǵa bolmas. Sebebi 32 jastaǵy Jánibek qazirgi kezdegi tolyqqandy nusqalar boıynsha elimizdegi jalǵyz álem chempıony. Orta salmaqta judyryqtasyp júrgen ol kásipqoı rıngte 17 jekpe-jek ótkizip, barlyǵynda jeńiske jetti. 12 qarsylasyn nokaýtqa jiberdi. Jetisý oblysy, Alakól aýdanynyń týmasy 2022 jyly WBO, 2023 jyly IBF nusqasynyń teńdessizi dep tanylyp, sol ataqtaryn birneshe márte sátti qorǵady. Sondyqtan da Álimhanulynyń kósh basynda turýy zańdylyq.
Ekinshi orynda – ekinshi jartylaı jeńil salmaqtaǵy Sultan Záýirbek. 29 jastaǵy Túrkistannyń tarlany 20 básekeniń birde-bireýinde utylǵan joq. 13 jekpe-jekte qarsylastaryn uryp jyqty. Túrli ortańqol nusqalar boıynsha altyn belbeýdiń ıegeri, WBA reıtınginde úshinshi orynda tur.
Úzdik úshtikti Bekman Soılybaev túıindedi. Ol da ekinshi jartylaı jeńil salmaqta óner kórsetedi. 34 jastaǵy tájirıbeli qazaq boksshysy 21 kezdesýiniń tek bireýinde utyldy. Bekman óz jeńisteriniń teń jartysynan astamyna nokaýtpen qol jetkizdi. Sondaı-aq TOP-10-dyqta Danııar Eleýsinov (12-0, 7 KO), Batyr Júkembaev (24-1, 17 KO), Bek Nurmaǵanbet (14-0, 12 KO), Elshat Nygmetolla (21-0-2, 8 KO), Sadrıddın Ahmedov (15-0-1, 13 KO), Rýslan Mádıev (17-2-1, 6 KO), Sergeı Lıpınes (18-4-1, 13 KO) syndy sańlaqtar bar.
