Tehnologııalyq áleýet ásker aıbynyn arttyrady

Memleket basshysynyń jyl saıynǵy baǵdarlamalyq qujattary elimizdegi ahýalǵa ádil baǵa berip qana qoımaı, aldaǵy maqsat-mindetterdi de naqty belgilep otyrady. Bıyl­ǵy Joldaýdyń ereksheligi jasandy ıntellekt tehnologııalaryn tıimdi paıdalaný, barlyq salaǵa sıfrlyq transformasııany engizý, sondaı-aq energetıka salasyn damytý, onyń ishinde elimizdiń ener­­­ge­tıkalyq qaýipsizdigi men tehnologııalyq órleýiniń negizgi tetigi retinde atom elektr stansalaryn salý máselesine basa nazar aýdarylýyn­­da bolyp otyr.

Prezıdent atap ótkendeı, jasandy ıntellekt pen sıfr­landyrý el ekonomıkasyn il­geriletetin qozǵaýshy kúshke, basqarý sapasyn arttyratyn quralǵa ári ulttyq qaýipsizdikti qamtamasyz etýdiń senimdi te­tigine aınalýǵa tıis. Memleket basshysy ın­novasııalyq tehnologııalardy ónerkásip, bilim berý, densaýlyq saqtaý jáne qorǵanys salalaryna engi­zýdiń mańyzdylyǵyn ataı oty­ryp, elimizdiń jahandyq tehno­lo­gııalyq úderisterdiń bel­sen­di qatysýshysyna aınalýy qajet­tigin qadap aıtty.

Osy oraıda Qarýly kúshter úshin tyń múmkindikter men jańa kókjıekter ashylyp jatyr. Armııa qazirgi zamanǵy sıfrlyq sheshimderdi engizý arqyly basqarý júıelerin avtomattandyrý men sıfrlandyrý baǵytyn dáıekti júzege asyryp keledi. Qorǵanys mı­nıstrligi qurylymynda jasandy ıntellekt tehnologııalaryn damytýǵa arnalǵan arnaıy basqarma qurylyp, «Sarbaz+» qanatqaqty jobasy iske qosyldy, sondaı-aq sıfrlyq áskerı komıssarıat júıesi engizildi.

Búginde monıtorıng, baılanys jáne navıgasııa júıeleri belsendi damyp, ushqyshsyz ushý apparattaryn qoldaný aýqymy keńeıip keledi. Jasandy ıntellekt algorıtmderin jaýyngerlik is-qımyldardy josparlaý men basqarý úderisterine endirý bo­ıynsha júıeli jumys júrgizilip jatyr. Osy baǵyttaǵy mańyzdy qadamnyń biri Qaraǵandy obly­syn­daǵy «Saryshaǵan» polıgonynda ótken «Jaýyngerlik dostastyq-2025» oqý-jattyǵý­lary barysynda Áýe qorǵanysy kúshterin basqarýdyń avtomat­tandyrylǵan júıesiniń alǵash ret synaqtan ótýi boldy. Bul – qorǵanys arhıtektýrasyn jań­ǵyrtý jolyndaǵy aıryqsha betburys.

Memleket basshysynyń 1 tamyzda Qorǵanys mınıstrin qabyldaý barysynda bergen naqty tapsyrmalary men nusqaý­lary Joldaýda kóte­rilgen máse­­lelermen tike­leı únde­sip jatqanyn aıta ketý kerek. Osy tapsyrmalar sheń­berinde Qorǵanys mı­nıstrligi áskerdiń utqyrlyǵyn jáne olardyń qaýip-qaterge jedel den qoıý qabiletin arttyrý, Áýe shabýylyna qar­sy qor­ǵa­­nys áskerlerin, aýmaq­tyq bó­lim­­­sheler men UUA qura­mala­ryn damytý, sıfr­lyq trans­for­masııa talapta­ryn eske­re otyryp, áskerı ınfra­qury­lymdy jańǵyrtý, mem­leket­tik qorǵanys tapsyry­sy­nyń teti­gin jetildirý, áskerı qyz­met­tiń qaýipsizdigin arttyrý jáne jaraqattanýdyń aldyn alý, son­daı-aq qazirgi zamanǵy tehnologııalar negizinde Qarýly kúshterdiń jaýyngerlik áleýetin nyǵaıtý jónindegi sharalardy iske asyrý boıynsha keshendi jumys júrgizip jatyr.

Atalǵan basymdyqtardy oryndaý – elimizdiń qorǵanys qabileti men ulttyq qaýipsizdi­gin qamtamasyz etýdegi strategııa­­lyq mańyzdy mindet. Innovasııa­lyq sheshimderdi engizý, ǵyly­mı-tehnıkalyq áleýetti damytý jáne bilikti mamandar daıarlaý Qarýly kúshterdiń XXI ǵasyr­dyń syn-qaterlerine laıyq jaýap berýine jáne memleket tiregi retindegi rólin nyǵaıtýyna kepil bolmaq.

Prezıdent Joldaýy – barsha qoǵam úshin mańyzdy baǵdar. Al armııa úshin bul qujatty odan ári jańǵyrýǵa, qorǵanys qýatyn arttyrýǵa jáne sıfrlyq tehnologııalar arqyly tıimdilikti jańa deńgeıge kóterýge baǵyt­talǵan naqty áreket jospary dep bilemiz. Biz, áskerı qyz­met­shiler, Memleket basshysy usynǵan baǵyttyń tolyǵymen júzege asatynyna senimdimiz. Qarýly kúshter aldaǵy ýaqytta da ınnovasııalar men joǵary jaýyngerlik daıyndyq standarttaryna súıene otyryp, alǵa basa bermek.

Dáýren QOSANOV,

Qorǵanys mınıstri, avıasııa general-leıtenanty