Qujatta IVG.1M zertteý reaktorynyń joǵary baıytylǵan paıdalanylǵan otynyn arnaıy ázirlengen Silo tıpindegi qoımaǵa tabysty ornalastyrý, paıdalanylǵan ıadrolyq otyndy Silo qoımasynda onyń túpkilikti kádege jaratylýyna qatysty birlesken sheshim qabyldanǵanǵa deıin saqtaý, joǵary baıytylǵan ýrandy paıdalanýdy barynsha azaıtý jáne ıadrolyq qarýdy taratpaý rejımin nyǵaıtý jónindegi yntymaqtastyqty jalǵastyrý nıeti atap ótilgen.
«Qazaqstan ıadrolyq qaýipsizdik salasyndaǵy halyqaralyq mindettemelerin dáıekti túrde oryndaıdy. Atalǵan málimdemege qol qoıý bizdiń beıbit atomdy damytýǵa jáne jahandyq taratpaý rejimin nyǵaıtýǵa beıildiligimizdi rastaıdy», dedi elimizdiń Atom energııasy jónindegi agenttiginiń tóraǵasy Almasadam Sátqalıev.
NNSA ókilderi AQSh-tyń Qazaqstanmen yntymaqtastyqty joǵary baǵalaıtynyn ári ıadrolyq qaýipsizdikti arttyrýǵa baǵyttalǵan birlesken jobalardy jalǵastyrýǵa nıetti ekenin atap ótti. Al buǵan deıin osyndaı Birlesken málimdemeler 2016, 2019, 2020 jáne 2023 jyldary da qabyldanyp, Qazaqstan men AQSh-tyń beıbit atom salasyndaǵy turaqty áriptestiginiń sımvolyna aınaldy.
