Elimizdiń Atom energııasy jónindegi agenttigi mamandardy daıarlaýdy jedeldetedi ári bolashaq AES qurylysyna otandyq bıznesti tartady. Búgin agenttik tóraǵasynyń orynbasary Vasılıı Lavrenovtyń tóraǵalyǵymen óndiristi lokalızasııalaý men kadrlar daıarlaý jónindegi vedomstvoaralyq jumys tobynyń alǵashqy otyrysy ótti.
Talqylaýǵa memlekettik organdardyń, «Atameken» UKP-nyń, ǵylymı jáne qoǵamdyq uıymdardyń ókilderi qatysty. Olar AES jobalaryna otandyq kásiporyndardy tartý, ulttyq úlesti arttyrýǵa kedergiler, sondaı-aq lokalızasııanyń halyqaralyq tájirıbesi men ony qazaqstandyq jaǵdaıǵa beıimdeý máselelerin qarastyrdy.
Jeke bólim kadrlar daıarlaýǵa arnaldy: jańa bilim berý baǵdarlamalaryn iske qosý, sheteldik joǵary oqý oryndarymen yntymaqtastyqty keńeıtý jáne bolashaq atom jobalary úshin kadrlyq rezerv qurý.
Kezdesý qorytyndysynda jumys baǵyttarynyń basymdyqtary aıqyndalyp, jol kartasyn ázirleý kelisildi. Osyǵan sáıkes, kelesi otyrys qazan aıyna josparlandy.
