Bul sapardyń maqsaty – ult tarıhyna, etnografııasyna qatysty qundylyqtardy zerttep, keńinen nasıhattaý.
Ekspedısııa quramynda QR Jazýshylar odaǵy basqarma tóraǵasynyń orynbasary，apparat jetekshisi，aqyn-jazýshy Ǵalym Qalıbekuly，"Egemen Qazaqstan" gazeti Bas redaktorynyń orynbasary Talǵat Batyrhan，Zeınolla Sánik atyndaǵy mádenıet qorynyń atqarýshy dırektory，aqyn Serik Qalıev，aqyn Baqytbek Bámishuly，jazýshy Aızat Raqysh，aqyn Dúısenáli Álimaqyn boldy.
Sapardyń eń mańyzdy sátteriniń biri – Ulytaýǵa baǵyt alǵan kezeń edi. Tarıhı óńirde ekspedısııa músheleri Alasha han men Joshy han kesenelerine aıaldap, san ǵasyrlyq tarıhqa kýá boldy. Qazaq memleketiniń irgetasy qalanǵan Ulytaýdyń ár tasy – shejire, árbir eskertkishi – eldiktiń aıǵaǵy.
Ekspedısııa músheleri mundaı sapardyń tek ǵylymı-tanymdyq emes, tárbıelik máni zor ekenin atap ótti. О́ıtkeni tarıhı oryndardy aralaý arqyly jas urpaqtyń ulttyq tamyrǵa degen qyzyǵýshylyǵy artady, el tarıhyna qurmeti kúsheıedi.
Zeınolla Sánik atyndaǵy mádenıet qory osy bastamasy arqyly etnografııa men rýhanııatqa jańa dem berýdi kózdep otyr. Al Jazýshylar odaǵy úshin mundaı shara – ádebıet pen tarıhty toǵystyratyn úlken múmkindik.
Ekspedısııa músheleri sapar barysynda jınaǵan derekterin aldaǵy ýaqytta ǵylymı maqalalar men kórkem týyndylarǵa arqaý etýdi josparlap otyr.
Uly dala tósinde ótken bul taǵylymdy sapar ulttyq qundylyqtarymyzdy dáriptep qana qoımaı, halqymyzdyń tarıhı jadyn jańǵyrtqan mándi oqıǵa bolyp este qaldy.
