Foto: TSM
Olar 22 qyrkúıekten 23 qyrkúıekke aýǵan túni elge jetti. Sportshylardy qarsy alýshylardyń qatarynda Týrızm jáne sport vıse-mınıstri Serik Jarasbaev, sport jankúıerleri, áskerı orkestr boldy.
Kúres túrlerinen osy jolǵy álem chempıonaty aıryqsha jeńispen aıshyqtaldy. Tarıhqa Aıdos Sultanǵalı túren salyp, araǵa 26 jyl salyp grek-rım kúesinen jahan birinshiliginiń bas júldesin jeńip aldy. Otandasymyz fınaldyq básekede ózbekstandyq Álisher Ganıevti bir mınýtta taza jeńgen bolatyn.
Aıdos Sultanǵalı buǵan deıin 2018 jáne 2022 jyldary dúbirli dodanyń qola júldesin qanaǵat tutqan.
Aıta keteıik, Aıdostyń «altyny» grek-rım kúresinen Otanymyzǵa buıyrǵan altynshy júlde. Buǵan deıin jeńistiń eń bıik satysynan Iýrıı Melnıchenko (2 ret), Mhıtar Manýkıan (2 ret), Baqtııar Baıseıitov (1 ret) kóringen edi.
