Kıno • 24 Qyrkúıek, 2025

Almatyda serıal festıvali ashyldy

610 ret

kórsetildi

1 mın

oqý úshin

Almatyda Ortalyq Azııadaǵy tuńǵysh ındýstrııalyq serıaldar festıvali – Almaty Series Festival óz shymyldyǵyn ashty. Alǵashqy kórsetilimde otandyq «Qazaqtyń qorqynyshty ertegileri» atty týyndynyń úsh serııasy usynyldy. Dark fantasy janryndaǵy bul joba – qazaqstandyq kınematografııada teńdesi joq eńbek. Fılmniń álemdik premerasy Kanadadaǵy Fantasia International Film Festival aıasynda ótip, halyqaralyq synshylardan joǵary baǵa alǵan edi, dep habarlaıdy Egemen.kz.

Abzal MAQASh

Foto: Kazpravda.kz / Iýrıı Bekker

Festıval bıyl on jyldyq tarıhy bar «Baiqonyr» halyqaralyq debıýttik jáne qysqametrajdy kınofestıvali aıasynda uıymdastyryldy. Ony Kazakh Festival Hub kompanııasy qolǵa aldy. Uıymdastyrýshylardyń dereginshe, forýmǵa qatysý úshin Ortalyq Azııa elderinen 67 ótinim kelip tústi. Is-sharaǵa rejısserler, ssenarıster jáne prodıýserler qatysyp otyr.

Baǵdarlamaǵa ortalyqazııalyq úzdik serıal konkýrsy, ulttyq táýelsiz pılottyq epızodtar baıqaýy jáne sheberlik sabaqtary, dárister men paneldik pikirtalastar engizilgen. Festıvaldiń erekshe kútiletin bóligi – fransýzdyq Series Mania festıvaliniń Serial Bridges atty ýorkshopy. Ol buǵan deıin tek Rıo-de-Janeıro men Stambýlda ótken bolatyn.

Mamandardyń aıtýynsha, serıal óndirisi zamanaýı tehnologııalarmen qatar OTT-servıster, strımıngtik platformalar men onlaın-kınoteatrlardyń qarqyndy damýy arqasynda erekshe serpin alýda. Tek 2025 jyldyń ózinde Qazaqstanda úsh jańa strımıngtik servıs iske qosyldy.