Ákimdiktiń málimetinshe, sýbsıdııalanǵan reısti «SCAT» áýe kompanııasy júzege asyrady. Jolaýshylar aptasyna 2 ret – seısenbi jáne beısenbi kúnderi qatynaıtyn bolady. Bılet baǵasy – 15 000 teńge.
Jańa baǵyttyń ashylýy turǵyndarǵa qolaıly ári qoljetimdi baǵada saparlaýǵa múmkindik beredi.
– Birneshe jyl buryn «Qaraǵandy-Semeı» baǵytyndaǵy áýe qatynasy jabylyp qalǵan edi. Qaıtadan ashylǵanyna óte qýanyshtymyz. Semeıden Qaraǵandyǵa kelý úshin Astana arqyly poıyzben júretinbiz. Qazir jolaýshylarǵa óte yńǵaıly. Bir jarym saǵat shamasynda Semeıge jetip alamyz, – dedi Qaraǵandy qalasynyń turǵyny.
Qazir Semeı qalasynan «Semeı – Almaty», «Semeı – Astana», «Semeı – Úrjar», «Semeı – Qaraǵandy» baǵyttary boıynsha áýe reısteri bar. Atalǵan reısterdi «FlyArystan», «Ońtústik aspany», «SCAT» áýe kompanııalary júzege asyryp keledi.
Al bul búgingi jańa baǵyt respýblıkalyq bıýdjetten sýbsıdııa berilgen jáne Kólik mınıstrliginiń Azamattyq avıasııa komıtetiniń jáne Abaı oblysy ákimdiginiń qoldaýymen ashylyp otyr.
Abaı oblysy
