- Úndistanda kadetter arasynda ótken Azııa kýboginde elimizdiń semserlesýshileri qos altyn medal ıelendi. Ony qylyshtasý saıysynda synǵa túsken Aıbar Qaıym men shpagashy Polına Lesovskaıa oljalady.
- 26 qyrkúıekte Qytaıdyń Sındao qalasynda dzıýdodan Gran-prı týrnıri bastalady. Jarysta elimizdiń namysyn jeti balýan qorǵaıdy. Olar – Aldııar Qaraǵulov, Dáýren Súıkenov (60 kg), Erdáýlet Bozsha, Nurmuhamet Botabaı (66 kg), Qýan Barys (73 kg), Ádilet Almat, Aıǵalı Qaldybek (81 kg).
- 5 qazanda AQSh-tyń Las-Vegas qalasyndaǵy «Tı-Mobaıl Arenada» aralas jekpe-jekten UFC 320 týrnıri uıymdastyrylady. Jarysta Nıkolaı Veretennıkov óner kórsetedi. Jerlesimiz jergilikti faıter Pýna Sorıanomen saıysqa túsedi. Keshtiń basty básekelerinde reseılik Magomed Ankalaev pen brazılııalyq Aleks Pereıra, AQSh-ta turyp jatqan grýzııalyq Merab Dvalıshvılı men AQSh týmasy Korı Sendhagen kúsh synasyp, chempıondyq belbeýlerdi sarapqa salady.
- Qurlyqtyq hokkeı lıgasynda oınap júrgen «Barys» ótken aptanyń aıaǵy men osy aptanyń basynda syrtta úsh kezdesý ótkizip, úsheýinde de utyldy. Jerlesterimiz Magnıtogorskide «Metallýrgke» (1:5), Cherepoveste «Severstalge», Mınskide «Dınamoǵa» (0:1, overtaım) ese jiberdi. Endi astanalyqtar tórt matchty óz muz aıdynynda ótkizedi. 25 qyrkúıekte Qazannyń «Aq Barysyn», 27 qyrkúıekte Novosıbırskiniń «Sıbırin», 29 qyrkúıekte Vladıvostoktyń «Admıralyn», 1 qazanda Iаroslavldiń «Lokomotıvin» qabyldaıdy.
- Shaıbaly hokkeıdiń tarıhy, statıstıkasy, barlyq mańyzdy máselelerin negizge alǵan «Elıtprospekt» saıty 2026 jylǵy maýsymda Ulttyq hokkeı lıgasynyń drafyna túsýi múmkin oıynshylardyń tizimin jarııalady. Solardyń qatarynda elimizdiń qos ókili bar. Olar – «Prıns-Albert Reıderz» klýbynyń shabýylshysy Álisher Sárkenov pen «Shıkýtımı Sagenınste» óner kórsetip júrgen Korneı Korneev. Bul komandalardyń irgetasy Kanadada qalanǵan. UHL-dyń drafy kelesi jyldyń maýsym aıyna ótedi.
