Sýret: rb1ncm.ru
- «Rising Stars» portaly elimizdiń quramasy men Almatynyń «Qaırat» klýbynyń shabýylshysy Dastan Sátbaevty ÝEFA Chempıondar lıgasynyń ótken aptadaǵy 23 jasqa deıingi oıynshylar arasyndaǵy shartty quramyna qosty. Úzdikterdiń jalpy tizimi mynadaı: qaqpashy – Noı Atýbolý (23 jas, «Fraıbýrg»); qorǵaýshylar – Dıego Moreıra (21 jas, «Lıon»), Lýka Výshkovıch (18 jas, «Tottenhem»), Zeno Debast (21 jas, «Anderleht»), Terens Kýdý (20 jas, «Lans»); jartylaı qorǵaýshylar – Raıan Gravenberh (23 jas, «Lıverpýl»), Gabrı Veıga (23 jas, «Al-Ahlı»), Pedrı (22 jas, «Barselona»); shabýylshylar – Ansý Fatı (22 jas, «Braıton»), Nıko Paz (21 jas, «Real Madrıd»), Dastan Sátbaev (17 jas, «Qaırat»).
- BAQ ókilderi 2024/25 jylǵy maýsymdaǵy elimizdiń eń úzdik hokkeıshisin anyqtady. 43 jýrnalıstiń qatysýymen ótken saýaldamada «Barystyń» qaqpashysy Nıkolaı Boıarkın ozyp shyqty. Ekinshi, úshinshi oryndardy astanalyq klýbtyń oıynshylary Valerıı Orehov pen Nıkıta Mıhaılıs ıelendi.
- 28 qyrkúıekte dástúrli «Almaty marafony» ótedi. Oǵan 60-tan asa memleketten kelgen 16 myńnan asa jelaıaq qatysady. Respýblıka alańynan bastaý alatyn jarys ásem shahardyń eń kórikti jerleri arqyly jalǵasady. 42,2 shaqyrymdyq marafonnan bólek, jartylaı marafon (21,1 shaqyrym), spýtnık (10 shaqyrym), skandınavııalyq júristen (10 shaqyrym) jarys uıymdastyrylady.
- Fýtboldan elimizdiń Premer-lıgasynyń 9-týrynyń keıinge shegerilgen taǵy bir oıyny ótti. Qostanaıda «Tobyl» Shymkenttiń «Ordabasy» komandasyn qabyldap, 1:0 esebimen jeńiske jetti. Báseke taǵdyryn 14-mınýtta Islam Chesnokov soqqan jalǵyz gol sheshti.
