Sýret: olympic.kz
Irikteý saıystaryn óte senimdi ótkizgen ol birqatar asa iri halyqaralyq týrnırlerdiń jeńimpazy, maltalyq Ámirreza Abbasıdi, álem chempıonatynyń tolyq júlde jıyntyǵynyń ıegeri, Eýropa oıyndarynyń kúmis júldegeri, Eýropa chempıony shvesııalyq Mattıas Falkti, álem kýboginiń qola júldegeri anglııalyq Tomas Djarvısondy jolynan yǵystyrdy.
1/32 fınalda K.Gerasımenko Sımon Gozımen kezdesti. 30 jastaǵy Fransııa sportshysynyń Olımpııa oıyndarynyń qola, álem chempıonatynyń kúmis júldegeri degen ataǵy bar. Odan bólek, Eýropa oıyndarynda eki (1 kúmis, 1 qola), qurlyq birinshiliginde alty ret (1 kúmis, 5 qola) jeńis tuǵyryna kóterilgen. О́kinishke qaraı, azýly oıynshyǵa jerlesimizdiń áli jetpedi. Úsh partııalyq saıys Gozıdiń paıdasyna sheshildi.
Beıjińdegi básekede álemdik reıtıngtiń aldyńǵy leginde turǵan Van Chýsın (Qytaı, №1), Lın Shıdýn (Qytaı, №2), Ýgo Kalderano (Brazılııa, №3), Tomokazı Harımoto (Japonııa, №4), Trýls Moregard (Shvesııa, №5), Lıan Szınkýn (Qytaı, №6), Felıks Lebrýn (Fransııa, №7), Benedıkt Dýda (Germanııa, №8), Sıan Pen (Qytaı, №9), Darko Iorgıch (Slovenııa, №10) syndy áıgili ústel tennısshileri kúsh synasyp jatyr.
