Atap aıtqanda, stadıonnyń ishi men syrtyndaǵy tynyshtyq pen qaýipsizdikti IIM Ulttyq ulany 5571 áskerı bóliminiń myńnan astam áskerı qyzmetshisi qamtamasyz etpek.
Sonyń biri – qatardaǵy jaýyngerler Erjan Jarkov pen Rýslan Tileýqabyl. Ulttyq ulan qataryna Aqtaýdan shaqyrylǵan Erjan Jarkov qazaq, orys, aǵylshyn, ıspan jáne fransýz tilderin erkin meńgergen. Ol kún saıyn Almaty kóshelerinde patrýlde júrip, turǵyndarǵa da, týrısterge de kómek kórsetedi.
Al Qonaev qalasynyń týmasy Rýslan Tileýqabyl qazaq, orys, aǵylshyn, nemis jáne japon tilderinde erkin sóıleı alatyn polıglot. Onyń sheteldiktermen tez til tabysý qabileti ásirese iri halyqaralyq is-sharalar kezinde baǵaly.
Qyzmet barysynda ekeýi de tártipti ári jaýapty ulandyq sarbaz retinde ózin kórsete bildi. Olardyń kóp tilde sóıleı alatyndyǵy shetel azamattarynyń senimin arttyryp, qyzmettiń tıimdiligin kúsheıtedi.
– Fýtbol – álem halqyn biriktiretin sport. Bizdiń mindetimiz — jankúıerlerdiń tek oıynǵa ǵana alańdap, ózderin qaýipsiz ári erkin sezinýine jaǵdaı jasaý, – deıdi R.Tileýqabyl.
