Naýqas 23 jastaǵy jigit. Oǵan 37 jastaǵy ápkesi bir búıregin syılady. Pasıent 2022 jyldan beri sozylmaly termınaldy búırek jetkiliksizdigi dıagnozymen nefrolog dárigerdiń baqylaýynda bolǵan. Eki jyl buryn oǵan baǵdarlamalyq gemodıalız taǵaıyndaldy, Mamandar naýqasty bir aı boıy otaǵa daıyndap, jýyrda búırek transplantasııasyn jasady. Otadan keıin ekeýi de bólimshege aýysyp, baqylaýǵa alyndy. Qazirgi tańda jalpy palatada emdik sharalar júrip jatyr.
Dárigerlerdiń aıtýynsha Qazaqstan joǵary tehnologııalyq medısınalyq qyzmetti úılestirý arqyly búırek transplantasııasyn júzege asyryp otyrǵan alty eldiń qataryna kiredi. Ol elder AQSh, Ulybrıtanııa, Izraıl, Túrkııa jáne Úndistan. Mine solarmen qatarlas bizdiń memlekette de transplantologııa qarqyndy damý ústinde. Medısınanyń eń kúrdeli salasynyń alǵa ozýyna shymkenttik dárigerlerdiń qosyp jatqan úlesi de orasan zor ekenin aıta ketken jón.
