Uldardyń jekelegen saıysynda shymkenttik Nurıslam Qasymnyń qarqynyna eshkim shydamady. Barlyq qarsylasyn sypyra utqan ol fınalda Shyǵys Qazaqstan oblysynyń ókili Álibı Sharmanovqa shań qaptyrdy. Qola medaldi Asylhan Maǵzumbekov (Qaraǵandy) pen Sanjar Ibahan (Túrkistan) ıelendi. Qyzdar arasyndaǵy jarys jeriglikti sportshy Marııa Lýkıanovanyń jeńisimen aıaqtaldy. Sheshýshi tusta ol túrkistandyq Noıla Hanııazovany qapy qaldyrdy. Ekinshi jáne úshinshi oryndy Darıa Fý (Qaraǵandy) men Aınaz Ádilgereeva (Almaty qalasy) enshiledi.
Juptyq synda Nurıslam Qasym men Sanjar Ibahanǵa (Shymkent/Túrkistan) teń keler eshkim tabylmady. Bas júlde úshin tartysta olar Baqdáýlet Saýyrbaı men Mansur Súıindikke (Shymkent/Pavlodar) san soqtyrdy. Úzdik úshtikti Muhammadáli Qurbantaı/Nurjigit Joldybaı (Shymkent / Túrkistan) jáne Alekseı Markın/Álibı Shomanov (Almaty qalasy/Shyǵys Qazaqstan) juby túıindedi. Burymdylardyń báskesine Noıla Hanııazova men Aqnıet Amangeldi (Túrkistan / Shymkent) altynnan alqa taqty. Odan keıingi satylarǵa Nursaıa Nurman/Aınaz Ádilgereeva (Shyǵys Qazaqstan / Almaty qalasy), Vıktorııa Mochalkına/Darıa Fý (Qaraǵandy), Rýana Shymkentbaı/Gúlnaz Býlanova (Shymkent/Pavlodar) jaıǵasty.
Aralas juptardyń jarysynda Asylhan Maǵzumbekov men Marııa Lýkıanovanyń (Qaraǵandy) mereıi ústem boldy. Fınalda olar Kırıll Bernıkov pen Merýert Tajımovany (Almaty qalasy/ Aqmola) tize búktirdi. Muhammadáli Qurbantaı/Nursaıa Nurman (Shymkent/Shyǵys Qazaqstan) men Sanjar Ibahan/Aqnıet Amangeldi (Túrkistan/Shymkent) júldegerler qataryna qosyldy.
Uldardyń komandalyq saıysynda quramynda Nurıslam Qasym, Muhammadáli Qurbantaev, Baqdáýlet Saýyrbaı, Erasyl Erkinbek, Aslan Talǵat syndy sheberleri bar Shymkent qalasynyń órenderi eshkimge dem bermedi. Pavlodar men Shyǵys Qazaqstan oblystary ekinshi men úshinshi oryndarǵa taban tiredi. Qyzdardyń básekesinde qaraǵandylyq ústel tennısshileriniń baǵy jandy. Bul komandanyń namysyn Vıktorııa Mochalkına, Darıa Fý, Marııa Lýkıanova, Darıa Gamova, Aıym Ámirza sekildi daryndy jastar qorǵady. Kúmis medaldi shyǵysqazaqstandyqtar enshilese, túrkistandyqtar qolaǵa qol sozdy.
