Jańa «Keleshek mektep» ǵımaraty 900 oqýshyǵa arnalǵan. Qazirgi tańda munda 1300-den astam bala eki aýysymda bilim alýda. Mekteptiń basty ereksheligi – bilim berý úderisine barynsha qolaıly jaǵdaı jasalǵany. Keń ári jaryq synyp bólmeleri, zamanaýı jıhazdar men oqytý quraldary, qaýipsizdik júıesi jáne ınklıýzıvti ortaǵa beıimdelgen ınfraqurylym – bári de oqýshylardyń sapaly bilim alýyna baǵyttalǵan.
Bilim ordasynda 64 oqý kabıneti, sport zaly, akt zaly jáne ashana tolyq jabdyqtalǵan. Mekteptiń materıaldyq-tehnıkalyq bazasy jańa deńgeıge kóterildi. Ishinde ınternetke qosylǵan 5 arnaıy kompıýter kabıneti bar. Sondaı-aq oqý úderisin sıfrlandyrý maqsatynda 64 ınteraktıvti taqta ornatylǵan.
Búginde 120-dan astam joǵary bilimdi pedagog shákirtterge sapaly bilim men sanaly tárbıe berýde. Ujymda tájirıbeli zertteýshi, sarapshy, moderator jáne sheber pedagogter qyzmet atqarady. Olardyń kásibı damýyna jáne oqytý sapasyn arttyrýǵa barlyq múmkindik qarastyrylǵan.
Jańa «Keleshek mektep» ǵımaratynyń ashylýy – Sozaq aýdanynyń bilim berý júıesindegi mańyzdy jańarý. Bul joba óńirdegi balalarǵa zamanaýı jaǵdaıda bilim alýǵa, ustazdarǵa qolaıly eńbek etýge múmkindik berip otyr.
