Baqanas orman sharýashylyǵynda ótken is-sharaǵa ormanshylarmen qatar kolledj stýdentteri men mektep oqýshylary qatysty. Nátıjesinde, bir kún ishinde 200 kg-dan astam jıde tuqymy jınaldy. Oblystyq tabıǵı resýrstar jáne tabıǵat paıdalanýdy retteý basqarmasynyń málimetinshe, bıyl óńirde shamamen 1,5 tonna jıde men Shrenk shyrshasynyń tuqymyn jınaý josparlanǵan.
«Árbir jınalǵan tuqym – erteńgi jasyl ormannyń bastaýy. Bul – óńirdiń ekologııalyq áleýetin arttyrýǵa baǵyttalǵan mańyzdy qadam», dep atap ótti basqarma basshysy Qanat Núsipbaev.
Jınalǵan tuqymdar kóktemde oblystyq orman tuqymbaqtaryna jetkizilip, kóshetterge aınaldyrylady. Keıin olar orman qory jerlerine otyrǵyzylyp, óńirdiń jasyl aımaǵyn keńeıtýge qyzmet etedi.
2021 jyldan beri Almaty oblysynda 17,4 myń ga aýmaqqa 38,3 mln aǵash otyrǵyzyldy. Bul Memleket basshysynyń 2 mlrd aǵash otyrǵyzý jónindegi tapsyrmasyn oryndaýdaǵy óńirdiń naqty úlesi sanalady.
Almaty oblysy
