Foto: ashyq derekkóz
«Bul júıe adamdardyń júzin tanyp, agressıvti minez-qulyqty, turǵyndardyń shamadan tys jınalýyn, ózge de kúmándi jaǵdaılardy avtomatty túrde tirkeıdi. Mundaı jaıt anyqtalǵan sátte júıe jedel qyzmetterge birden dabyl belgisin jiberedi. Atalǵan júıege izdeýdegi, eseptegi tulǵalardyń fotosýretteri engizilgen. Kamera obektıvine ilingen adamdar bet pishini arqyly sáıkestendirilip, jedel basqarý ortalyǵyna habar túsedi», deıdi Jákeı Imanqulov.
Onyń málimetinshe, jyl basynan beri beınetaldaý júıesiniń kómegimen 209 adam anyqtalǵan. Onyń ishinde 119 quqyq buzýshy polısııaǵa jetkizilgen. Anyqtalǵan adamdardyń basym bóligi – áýejaı, temirjol jáne avtovokzal aýmaqtarynda jasandy ıntellekt arqyly bet beınesi sáıkestendirilip tanylǵan azamattar.
«Jańa sıfrlyq tehnologııalar polısııa jumysynyń tıimdiligin arttyryp, qoǵamdyq qaýipsizdik saqtaýǵa baǵyttaldy. Bolashaqta mundaı ıntellektýaldy júıeni oblystyń ózge aýdandaryna ornatý josparlanyp otyr», dedi Jákeı Imanqulov.
