Spıkerdiń aıtýynsha, kisi óltirý 50%-ǵa, zorlaý 9,1%-ǵa, urlyq 43,8%-ǵa, alaıaqtyq 14,8%-ǵa, buzaqylyq 16,9%-ǵa azaıǵan. Barlyq kisi óltirý, zorlaý, qaraqshylyq, tonaý jáne kólik aıdap ketý faktileri tolyq ashyldy. Jalpy qylmystardyń ashylý kórsetkishi 2,9%-ǵa jaqsardy.
- 2025 jyl Ishki ister mınıstri tarapynan «Profılaktıka jyly» dep jarııalanyp, profılaktıkalyq jumystar kúsheıtildi. Sonyń nátıjesinde qoǵamdyq oryndarda jasalǵan qylmys 11,7%-ǵa, kóshedegi qylmys 5,4%-ǵa, jasóspirimder qatysqan qylmystar 24,2%-ǵa azaıdy. Esirtki qylmysyna qarsy kúres te qarqyndy jalǵasýda. Zańsyz aınalymnan 390 keliden astam esirtki zaty tárkilendi, onyń ishinde 4 kelige jýyq sıntetıkalyq esirtki bar, dedi Saǵyndyq Aıaǵanov.
Sonymen qatar, óńirde turmystyq zorlyq-zombylyq, jasóspirimder arasyndaǵy tóbeles jáne nashaqorlyqtyń aldyn alý baǵytynda turaqty jumystar júrgizilýde. Bul sharalar óńirdegi qoǵamdyq qaýipsizdik deńgeıiniń artýyna oń áserin tıgizdi.
-Polısııa departamenti aldaǵy ýaqytta da qoǵamdyq qaýipsizdikti qamtamasyz etý úshin bar kúshin salady. Bizdiń maqsatymyz – Manǵystaý oblysyn qaýipsiz aımaqqa aınaldyrý, dedi Saǵyndyq Aıaǵanov.
Mańǵystaý oblysy
