Jasandy ıntellekt týraly zań Májiliske qaıtaryldy

Palata otyrysynda senatorlar «Jasan­dy ıntellekt týraly» zańdy jáne oǵan ilespe «Qazaq­stan Respýblıkasynyń keı­bir zańnamalyq aktilerine jasandy ın­tellekt jáne sıfrlandyrý máse­leleri boıynsha ózgerister men to­lyqtyrýlar engizý týraly» zańdy, sondaı-aq eki oqylymda «Qazaq­stan Respýblıkasynyń Ákim­shi­lik quqyq buzýshylyq týraly kodeksine ózgerister men tolyq­tyrýlar engizý týraly» zań­dy qarady. Zańdardyń norma­la­ry jasandy ıntellekt salasyn­da­ǵy retteýdiń negizgi uǵymda­ryn, prınsıpteri men tetikterin anyq­taýdy, jasandy ıntellekt júıe­leriniń jiktelýi men olardy qaýip­siz qoldanýǵa qoıylatyn talap­tardy belgileýdi jáne jasan­dy ıntellektiniń ulttyq plat­for­masynyń jumys isteýiniń quqyq­tyq negizderin qurýdy kózdeıdi.

Sonymen qatar qujattarda jal­ǵan aqparattyń taralýyn bol­­dyr­maý úshin jasandy ıntel­lekt qyzmetiniń nátıjelerin mashına oqıtyn nysanda mindetti tańba­laý tetigin bekitý normasy qaras­ty­ryl­ǵan. Oǵan qosa elimizdiń aýma­ǵyn­­da jasandy ıntellekt júıe­­le­rin qurý men paıdalaný kezin­­de ty­ıym salynǵan fýnksıo­nal­dyq múm­kin­dikterdiń tizbesi nazarǵa alyndy.

«Prezıdent Qasym-Jomart Toqaev bıylǵy Joldaýynda jasandy ıntellekt tehnologııalaryn ekonomıkanyń barlyq salasyna engizýdi tapsyrdy. Búgin qaralǵan zańdar osy maqsatpen ázirlendi. Bul normalar jasandy ıntellekt salasyndaǵy qoǵamdyq qatynastardy retteıtin quqyqtyq negiz qalyptastyrady. Soǵan sáıkes «jasandy ıntellekt», «dereknama» jáne basqa da birqatar negizgi uǵymdar zań júzinde anyqtaldy. Zańdardy qaraý barysyn­da senatorlar birqatar usy­nys berdi. Aldaǵy ýaqytta bul zańdar sıfrlandyrý salasynda Memleket basshysy júktegen naqty mindetterdi oryndaýǵa óz úlesin qosady dep senemiz», dep M.Áshimbaev zańdarǵa bas­tamashy bolǵan depýtattarǵa rızashylyq bildirdi.

Sondaı-aq osy zańdar arqyly derbes derekterdi qorǵaý jáne derbes derekter salasyndaǵy aqparattyq qaýipsizdikti kúsheıtý úshin jalpyǵa qoljetimdi kózderden derekterdi maqsatsyz jınaýǵa tyıym salynatynyn atap ótken jón. Sýbektiniń kelisiminsiz bıometrııalyq derekterdi paıdalaný shekteledi jáne jeke tulǵalardyń quqyqtary men bostandyqtaryn qorǵaý úshin derekterdi mindetti túrde ıesizdendirý kózdelgen. Jasandy ıntellekt salasyndaǵy zańnama­ny buzǵany úshin jaýaptylyq ta qarastyrylyp otyr. Sonymen qatar «Qazaqstan Respýblıkasynyń Ákimshilik quqyq buzýshylyq týraly kodeksine ózgeris­ter men tolyqtyrýlar engizý týraly» zań arqyly energetıkalyq sýsyndardy satýǵa tyıymdy buzǵany, sondaı-aq kommersııalyq emes uıymdarǵa sanksııa qoldanǵany úshin jaýaptylyq engiziledi.

Talqylaý nátıjesinde senatorlar zańdar­dy qoldap, olarǵa birqatar túzetý engizýdi usyndy. Naqty aıtqanda, on segiz jasqa tolmaǵan adamdarǵa temeki ónimderin satqany úshin kommersııalyq emes uıymdardy ákim­shilik jaýapkershilikke tartý usynyldy. Sondaı-aq jasandy ıntellekt júıelerin paıdalana otyryp jasalǵan týyndylar adamnyń olardy jasaýǵa shyǵarmashy­lyq úlesi bolǵan jaǵdaıda ǵana avtorlyq quqyqpen qorǵalady degen túzetý engizý máselesi sóz boldy.

Senat depýtattary jasandy ıntellekt júıelerin paıdalaný kezindegi táýekelderge qatysty ózgerister boıynsha da usynystar berdi. Osyǵan baılanysty normalardyń birkelki qoldanylýyn qamtamasyz etýge baǵyttalǵan júıeli ári naqty­laýdy kózdeıtin túzetýlerge súıene otyryp, zańdardy Májilis­ke qaıtardy.