Keme Qazaqstannyń memlekettik shekarasy men kontınenttik qaırańyn kúzetýge, zańsyz keme qatynasyn, kontrabandany jáne qaraqshylyqty boldyrmaýǵa arnalǵan. Joǵary jyldamdyqty dızeldi qozǵaltqyshtarmen jabdyqtalǵan sý kóligi 7-10 kún avtonomdy júze alady. Qarý-jaraq kesheninde 12,7 mm avtomattandyrylǵan basqarý júıesi bar.
-«Semeı» kemesi zamanaýı navıgasııalyq júıelermen, joǵary dáldiktegi baqylaý qurylǵylarymen jáne kúrdeli jaǵdaıda tıimdi qyzmet atqara alatyn qarý-jaraqpen jabdyqtalǵan. Bul – elimizdiń teńiz shekarasynyń qaýipsizdigin qamtamasyz etýge baǵyttalǵan mańyzdy bastama. Kemeni qurastyryp, jobalaǵan «Oral «Zenıt» zaýytynyń mamandaryna alǵys aıtamyn, shekarashylarǵa myqty densaýlyq, tabysty qyzmet, beıbit teńiz jáne ashyq aspan tileımin, dedi óńir basshysy N.Qılybaı. Sondaı-aq aımaq basshysy bul oqıǵanyń jańa keme úshin ǵana emes, Memleket basshysynyń tapsyrmasyna sáıkes óńirdiń áskerı-ekonomıkalyq áleýetin nyǵaıtýdaǵy mańyzdy qadam ekenin atap ótti.
Saltanatty is-shara sońynda qatysýshylar keme ekıpajymen jáne onyń tehnıkalyq múmkindikterimen tanysty.
Mańǵystaý oblysy
