Sýretti túsirgen – Erlan OMAR, «EQ»
II dárejeli «Barys» ordenimen Ulttyq quryltaıdyń múshesi, qoǵam qaıratkeri, ekonomıka ǵylymdarynyń doktory Orazaly Sábden, III dárejeli «Barys» ordenimen Q. Qýanyshbaev atyndaǵy Qazaq ulttyq mýzykalyq drama teatrynyń aktrısasy Leılo Beknazar marapattaldy.
«Parasat» ordeni akter, Qazaqstannyń eńbek sińirgen qaıratkeri Bekjan Turysqa, Qazaqstan Respýblıkasy Kásipodaqtar federasııasynyń tóraǵasy Satybaldy Dáýletalınge, S.Asfendııarov atyndaǵy Qazaq ulttyq medısına ýnıversıtetiniń birinshi prorektory Dılıara Qaıdarovaǵa jáne M.Áýezov atyndaǵy Qazaq ulttyq drama teatrynyń akteri Berik Aıtjanovqa tapsyryldy.
«Alataý» dástúrli óner teatrynyń dırektory Maqsat Nuralıev, «Ahyska» túrik etnomádenı birlestiginiń qurmetti tóraǵasy Asker Pırıev, N.Sas atyndaǵy orys memlekettik akademııalyq balalar men jasóspirimder teatrynyń dırektory Irına Sımonova, jazýshy, jýrnalıst-pýblısıst Sáken Sybanbaı «Qurmet» ordeniniń ıegeri atandy.
Almaty oblysy Qoǵamdyq keńesiniń múshesi Qazybek Dáýitálıev, «Ádil sóz» sóz bostandyǵyn qorǵaý halyqaralyq qorynyń prezıdenti Qarlyǵash Jamanqulova, Apple Inc kompanııasynyń Ortalyq Azııa men Armenııadaǵy saıasat jáne memlekettik organdarmen baılanys bóliminiń basshysy Ádilhan Qopabaev, Eýrazııa tehnologııalyq ýnıversıtetiniń rektory Aıjan Temirbaeva, bilim salasy jónindegi sarapshy Ánýar Ońaıbekov «Eren eńbegi úshin» medalimen marapattaldy.
Aqyn Serikzat Dúısenǵazy, Qazaqstan Jazýshylar odaǵy Astana fılıalynyń dırektory Baýyrjan О́teýilıev, jyrshy, kúıshi Berik Júsipov, dástúrli ánshi Tolǵanbaı Sembaev, kınoprodıýser Quralaı Anarbekova, kompozıtor Qaırat Baekenov «Qazaqstannyń eńbek sińirgen qaıratkeri» qurmetti ataǵyna ıe boldy.
Erlan Qarın marapat ıelerin Respýblıka kúnimen quttyqtap, memlekettik nagradalar el azamattarynyń eńbektegi zor jetistikterine memleket pen qoǵam tarapynan berilgen bıik baǵa ekenin atap ótti.
