Isataı aýdanynyń H.Erǵalıev aýylynda turamyn. Bıyl «Jaıyqmunaıgaz» basqarmasynda jumys istegenime 40 jyl toldy. Osy kezeńde munaı-gaz óndirýshi operator retinde mol tájirıbe jınadym. Bastapqyda bilikti munaıshylardyń taǵylymǵa toly keńesin tyńdadym, ónegeli isinen úlgi aldym. El ekonomıkasynyń jetekshi salasynda jumys isteýdiń ózindik qıyndyǵy bar. Jer astyndaǵy tabıǵı baılyqtyń úzdiksiz óndirilýin, topyraqqa tógilmeýin udaıy qadaǵalaý qajet. Bul – bizdiń kúndelikti atqaratyn mindetimiz.
Keıingi jyldary qarapaıym eńbek adamynyń mártebesin kóterýge erekshe nazar aýdarylyp keledi. Búgingi jumysshylardyń memlekettik nagradalarmen marapattalyp, abyroıynyń asqaqtaǵany jastardyń eńbek etýge qyzyǵýshylyǵy men qulshynysyn oıatady.
Atyraý oblysy
