Respýblıka kúnine oraılastyrylǵan qýanyshqa arnaıy kelip qatysqan aımaq basshysy turǵyndardy quttyqtap, jańa shaǵyn aýdanda júrip jatqan qurylys barysymen tanysty.
«Astana» shaǵyn aýdanynda 154 turǵyn úı salý josparlanǵan. Mundaǵy alasa úıdiń ózi – 5 qabatty, al eń bıik úı 24 qabatty bolady. Turǵyn úılerdiń jalpy kólemi 1 mln sharshy metrge jetedi. Bul shamamen 60 myń adamdy baspanamen qamtamasyz etýge múmkindik beredi. Búginge deıin 10 úıdiń qurylysy aıaqtaldy. Endi bes qabatty 13 úıdiń qurylysy júrip jatyr.
«Prezıdenttiń tapsyrmasyna sáıkes, ár otbasy qoljetimdi ári sapaly baspanaǵa ıe bolýy tıis. Basty mindet – úılerdi salyp qana qoımaı, halyqqa jaıly ómir súrýge múmkindik beretin orta qalyptastyrý. «Astana» jobasynyń júzege asýy – Qostanaı oblysy turǵyndarynyń ómir sapasyn arttyryp, olarǵa tek baspana ǵana emes, sonymen birge qaýipsiz ári zamanaýı ómir súrý ortasyn usynýǵa baǵyttalǵan. Jalpy, oblystaǵy turǵyn úı qurylysy jylma-jyl qarqyn alyp keledi. Mysaly, 2025 jyldyń basynan beri 391 myń sharshy metr turǵyn úı, ıaǵnı 4145 páter salyndy. Jyl sońyna deıin 500 myń sharshy metr nemese 6,5 myń páter tapsyrý josparlanǵan. Bul kórsetkishter óńirdegi turǵyn úı qurylysynyń júıeli damyp kele jatqanyn aıqyn kórsetedi», dedi Qumar Aqsaqalov.
«Astana» shaǵyn aýdanynda zamanaýı balabaqshalar, mektepter, aýrýhanalar, sport nysandary, saýda jáne oıyn-saýyq ortalyqtary, demalys saıabaqtary da salynyp jatyr. Sonymen qatar, turǵyndar úshin smart aıaldamalar, beınebaqylaý júıesi, keń joldar, velosıped joldary, ásem saıabaqtar salý kózdelgen.
Qostanaı oblysy
