Ǵylym jáne joǵary bilim mınıstrligi Til saıasaty komıteti men Maqsut Narikbayev University ótkizgen bul saıysqa birneshe joǵary oqý ornynyń stýdentteri qatysty. Olar quqyq salasyndaǵy túrli tapsyrmany oryndap, zań turǵysynan taldaý jasady. Ásirese shyǵarmashylyq kezeń erekshe tartysty ótti. Bul kezeńde stýdentter zań taqyryptaryn zamanaýı áleýmettik jaǵdaılarmen baılanystyra otyryp, utqyr jaýap berýge tyrysty. Baıqaý barysynda qazaq jáne orys tilinde berilgen zań baptary ózara salystyrylyp, sáıkessizdikter anyqtaldy, sondaı-aq komandalar tarapynan usynystar aıtyldy. Osylaısha, stýdentter zańnyń halyqqa qyzmet etýi úshin onyń mátini durys ári túsinikti bolýyna taǵy bir márte kóz jetkizdi.
«Bul baıqaý úlken tájirıbe alańy boldy. Teorııalyq bilimimizdi naqty zań normalary arqyly taldap, ony kópshilikke uǵynyqty etip jetkizýge tyrystyq. Ásirese aýdarylǵan zań mátinderin túpnusqamen salystyrý barysynda bir sózdiń ózi úlken ról oınaıtynyn, onyń múldem basqa maǵynaǵa aınalyp ketetinin tereń sezindik. Jumys daǵdylarymyz artty, óz oıymyzdy dálelmen aıtýǵa mashyqtandyq. Mundaı baıqaýlar bolashaqta kásibı turǵydan ósýimizge aıryqsha serpin beredi», dedi saıysqa qatysýshy Ahmet Ádil.
Baıqaý nátıjesinde 3-orynǵa L.N.Gýmılev atyndaǵy Eýrazııa ulttyq ýnıversıtetiniń «Kúltegin» toby, 2-orynǵa akademık E.A.Bóketov atyndaǵy Qaraǵandy ulttyq zertteý ýnıversıtetiniń «ZaŋOne» toby ıe bolsa, al Maqsut Narikbayev University-niń «Kemel zańger» toby jeńimpaz atandy.
