Búginde 119 joba iske qosyldy, jalpy somasy 881,8 mlrd teńge ınvestısııa tartylyp, 14 056 jumys orny paıda boldy. Jýyrda Qyzylordada ashylǵan «Qyzylorda-Nan» JShS zaýyty óńirdiń tamaq ónerkásibine tyń serpin beredi. 5,6 mlrd teńgege salynǵan joba – memlekettik qoldaý men jeke bastamanyń tıimdi sınergııasynyń kórinisi. Al Aqtaýda aıyna 500 tonna qaldyq óńdeıtin eki ekokásiporyn iske qosyldy. «Zero Waste» jobasy men «Qoshqar-Ata» qaldyq qoımasyn rekýltıvasııalaý bastamasy óńirdiń ekologııalyq turaqtylyǵyn qamtamasyz etýge baǵyttalǵan. Sarapshylardyń aıtýynsha, Mańǵystaýdaǵy jańa ekojobalar – «jasyl» ekonomıkaǵa ótýdiń naqty qadamy.
Abaı oblysynda jalpy quny 3,2 trln teńgeni quraıtyn 7 iri joba júzege asyp jatyr. Nátıjesinde, 14,4 myń jańa jumys orny ashylady dep kútiledi. Semeı qalasynda ornalasqan «Arai-East Food» et óńdeý kásiporny men «Agrofırma Prırechnoe» sharýashylyǵy aýyl sharýashylyǵyn qaıta óńdeý salasyn damytýǵa úles qosyp jatyr. Jańa et óńdeý kesheni iske qosylǵanda myń adam jumyspen qamtylady.
Túrkistan oblysy Túlkibas aýdanynda jumysyn bastaǵan «RC Cola» zaýyty men qus fabrıkasy – óńirdiń óndiristik áleýetin aıshyqtaıtyn nysandar. 9 mlrd teńgelik sýsyn zaýyty men 53,7 mlrd teńge turatyn qus fabrıkasynyń iske qosylýy óńirdiń ekonomıkalyq múmkindikterin joǵarylata túsýge tıis.
Almaty qalasynda iri logıstıkalyq jáne ónerkásiptik jobalar júzege asyp jatyr. Quny 7 mlrd teńge bolatyn «Damiani» qoıma kesheni halyqaralyq «Breeam» standartymen salynǵan. Munda «Toyota Motors», «Komatsu» men «Sportmaster» kompanııalary jumys isteıdi. Al «ILP Group» kompanııasy 100 myń sharshy metrden asatyn logıstıkalyq saıabaqtardy basqarady. 13 mlrd teńgege jańa qoıma jobasy iske asyrylyp jatyr. Qalada sondaı-aq qaǵaz, karton men modýldik qurylys óndiristeri jolǵa qoıylyp, ekologııalyq tehnologııalar engizilip jatyr. Bul megapolıstiń ınvestısııalyq tartymdylyǵyn arttyryp, óńirlik IJО́ qurylymyndaǵy ındýstrııalyq úlesti kóbeıtip otyr. Respýblıka kúni qarsańynda jumys isteı bastaǵan taǵy bir óndiris oshaǵy – «Astana Motors Manufacturing Kazakhstan» JShS. Munda qytaılyq «Chery», «Changan», «Haval», «Tank» kólikteri, jolaýshylar vagondary qurastyrylady. Investısııa kólemi – 182 mlrd teńge, 3 600 jumys orny ashylady. Jylyna 90 myń birlik óndiriledi dep josparlanǵan.
Mereıli mereke qarsańynda paıdalanýǵa berilip, kóp ıgiligine jaraı bastaǵan irgeli mekemeler sanatynda Mańǵystaý oblysyndaǵy «Caspi Bitum» munaı óńdeý zaýytynyń qýattylyǵyn keńeıtý birlesken kásiporny (ınvestısııa kólemi – 36,1 mlrd teńge) Atyraý oblysyndaǵy júk vagondaryn shyǵaratyn «TeksolTrans» kásiporny (30,8 mlrd teńge), Almaty oblysyndaǵy turmystyq tehnıka shyǵaratyn «Almaty Turmystyq tehnıka zaýyty» (25,2 mlrd teńge), Shymkent qalasyndaǵy alıýmınıı qaptama (konteıner) óndirisin jańǵyrtqan «QazAlPack» JShS (21,7 mlrd teńge), Qaraǵandy oblysyndaǵy turmystyq tehnıka óndirýshi «Silk Road Electronics» JShS (12 mlrd teńge), Ekibastuzdaǵy «EkibastuzFerroQorytpalar» JShS (92,4 mlrd teńge), Qostanaıdaǵy júk kólikteriniń jetekshi ósine arnalǵan sońǵy jetek redýktorlaryn shyǵaratyn «KamLitKZ» zaýyty (82,5 mlrd teńge) bar.
