Energetıka • 03 Qarasha, 2025

Gıdroenergetıkalyq jobalar: Ońtústik Koreıa Qazaqstanǵa qalaı kómektespek?

60 ret

kórsetildi

1 mın

oqý úshin

Energetıka vıse-mınıstri Suńǵat Esimhanov pen «KAZENERGY» qaýymdastyǵynyń Bas dırektory Jandos Nurmaǵanbetov Koreıa Respýblıkasyna jumys saparymen bardy. Sapardy Azııa Damý Banki (ADB) uıymdastyrdy. Sapar maqsaty – aktıvterdi basqarýdaǵy quzyrettilikti arttyrý jáne gıdroenergetıkany damytý salasyndaǵy yntymaqtastyqtyń áleýetin zerdeleý, dep habarlaıdy Egemen.kz.

Shyńǵys MUQAEV

Gıdroenergetıkalyq jobalar: Ońtústik Koreıa Qazaqstanǵa qalaı kómektespek?

Fotolar. Energetıka mınıstrligi

Energetıka vedomstvosynyń málimetinshe, delegasııa Tedjon qalasynda Koreıanyń sý resýrstary korporasııasy (K-water) daıyndaǵan tehnıkalyq baǵdarlamaǵa qatysty. Baǵdarlamaǵa sý-resýrstyq saıasat máseleleri, gıdroenergetıkanyń zamanaýı tehnologııalary, sondaı-aq orta GES jobalaryn iske asyrý jáne qarjylandyrý tásilderi kirdi.

Sapar aıasynda K-water ıntegrasııalanǵan sý resýrstaryn basqarý ortalyǵyna jáne Tedjon kóp maqsatty bógetine (Daecheong Dam) tanystyrý saparlary uıymdastyryldy.

Sonymen qatar Korea Midland Power Co., Ltd. (KOMIPO), Korea South-East Power Co., Ltd. (KOEN), Korea Hydro & Nuclear Power Co., Ltd. (KHNP) jáne Korea Overseas Infrastructure & Urban Development Corporation (KIND) kompanııalarymen kezdesýler ótti. Taraptar Qazaqstannyń ońtústik-shyǵysynda kaskadty gıdroenergetıkalyq jobany birlesip iske asyrý perspektıvalaryn talqylady.

Energetıka mınıstrligi Atalǵan sapar Qazaqstannyń taza, senimdi, turaqty energetıkalyq júıe qurý jónindegi jumystaryna qosymsha serpin berip, halyqaralyq yntymaqtastyqty nyǵaıta túsedi.