Foto: tr.pinterest.com
Spıkerdiń aıtýynsha, Qazaqstan men Cheh Respýblıkasy arasyndaǵy alǵashqy yntymaqtastyq jónindegi kelisimder 2023 jyly jasalyp, sol oraıda Qostanaı óńirindegi «Altyn Dala» memlekettik tabıǵı rezervatynyń bazasynda «Alıbı» jabaıy tuıaqtylardy qaıta beıimdeý ortalyǵy quryldy.
«2024-2025 jyldary Qazaqstanǵa eki toppen 14 Prjevalskıı jylqysy jetkizildi. Birinshi toptaǵy jylqylar beıimdelý kezeńinen keıin bıyl shilde aıynda tabıǵı ortaǵa jiberildi. 7 bas jylqy qazirgi ýaqytta volerde baqylaýda tur», dedi spıker.
2029 jylǵa deıin elimizge 40-qa jýyq Prjevalskıı jylqysyn ákelý josparlanyp otyr. Bul ózdiginen kóbeıetin turaqty popýlıasııa qurýǵa múmkindik bermek.
Prjevalskıı jylqysyn elimizdiń tabıǵatyna qaıtarý jumystary Praga haıýanattar baǵy, Bıoalýantúrlilikti saqtaý qaýymdastyǵy, Frankfýrt zoologııalyq qoǵamy, Nıýrnberg jáne Berlın haıýanattar baqtary, sondaı-aq Vengrııanyń «Hortobad» ulttyq parkimen birlese júzege asyrylyp jatyr.
