Foto: Qorǵanys mınıstrligi
Jas sarbazdardyń rotalyq oqý jıyndarynda áskerı qyzmettiń negizderin meńgerip, saptyq, atys, taktıkalyq jáne dene daıarlyǵynan ótip jáne jalpyáskerı jarǵylar men ishki tártip erejelerin úırenip jatyr.
«Bizdiń basty mindetimiz – jas sarbazdardyń tez beıimdelýine kómektesý, jaýyngerlik dástúrlermen tanystyrý jáne olardy Áskerı ant berýge daıyndaý», dedi 61993 áskerı bólimi komandıriniń tárbıe jáne ıdeologııalyq jumystar jónindegi orynbasary podpolkovnık Dáýren Tólenbaev.
Qorǵanys mınıstrliginiń málimetinshe, beıimdelý barysynda psıhologtar belsendi jumys atqaryp jatyr. Jas jaýyngerlerge dıagnostıkalyq testiler, toptyq trenıngter jáne jeke keńester ótkiziledi. Munyń bári bólimderdegi salaýatty moraldyq-psıhologııalyq ahýaldyń qalyptasýyna yqpal etedi.
Jıyn baǵdarlamasynda jaýyngerlik jáne atys daıarlyǵyna erekshe mán berilgen. Polıgondarda jas desantshylar Kalashnıkov avtomatynan alǵashqy atys jattyǵýlaryn oryndap, bólimshe quramynda is-qımyl jasaýdy jáne bronetehnıkany júrgizip tekserip kórý tájirıbesinen ótti.
«Alǵashqy atystarda sál tolqydym, biraq keıin nysanaǵa dál tıgize bastadym, tipti «toǵyzdyqqa» tıgizdim. Sporttyq daıyndyq kóp kómektesti», dedi 2024 jyly Kanadada ótken Dageki World Full Contact Karate Championship álem chempıonatynyń jeńimpazy, Astanadan shaqyrylǵan qatardaǵy jaýynger Tátimbek Nógerbek.
Jas desantshylardy aldaǵy ýaqytta parashıýtpen sekirý, dalalyq jattyǵýlar jáne jaýyngerlik oqýdyń jańa kezeńderi kútip tur.
