Qujatqa SJRA Ulttyq statıstıka bıýrosynyń basshysy Maqsat Turlybaev pen «KazAID» basqarma tóraǵasy Arken Arystanov qol qoıdy.
Yntymaqtastyq sheńberinde ekonomıka, statıstıka, derekterdi basqarý jáne resmı damý kómeginiń maqsattaryn iske asyrýǵa qatysty ózge de baǵyttar boıynsha konferensııalar, semınarlar, forýmdar, baıqaýlar, sondaı-aq oqý jáne ǵylymı is-sharalar ótkizý qarastyrylǵan.
Budan bólek, taraptar resmı damý kómegi men statıstıka salalarynda birlesken halyqaralyq bastamalardy ázirleý jáne iske asyrý, ashyq derektermen almasý, sondaı-aq halyqaralyq yntymaqtastyqty jáne tájirıbe almasýdy nyǵaıtýǵa baǵyttalǵan salalyq konferensııalar, semınarlar, forýmdar men dóńgelek ústelderdi uıymdastyrý máselelerinde ózara árekettesýdi damytýǵa nıetti.
Aıta keteıik, «KazAID» – Qazaqstan Respýblıkasynyń resmı damý kómegi salasyndaǵy ulttyq operatory. Agenttik elimizdiń túrli salalardaǵy jetistikterin ilgeriletýge, halyqaralyq yntymaqtastyqty damytýǵa, tájirıbe almasýǵa jáne ártúrli elderdiń mamandary arasynda kásibı baılanystar ornatýǵa yqpal etedi.
