Foto: istockphoto.com
Taýarlar óndirisi 8,2%-ǵa, qyzmet kórsetý 5,3%-ǵa artty.
JIО́-niń ósýine anaǵurlym eń kóp úlesti ónerkásip (ósim 7,3%) salasy qosty, onyń jalpy ósimdegi mólsheri – 30%. Al saýda jáne kólik salalarymen qosqanda 70%-dan asady.
О́ńdeý ónerkásibinde ósim 5,8% boldy. Bul jekelegen baǵyttar boıynsha ónim shyǵarýdyń ulǵaıýy esebinen qalyptasyp otyr.
Olardyń ishinde:
- mashına jasaý – 11,5%-ǵa,
sonyń ishinde avtomobıl qurastyrý - 13,3%-ǵa,
- hımııa ónerkásibi – 10,9%-ǵa,
- azyq-túlik – 9,1%-ǵa,
- munaı ónimderi – 6,3%-ǵa,
- metall buıymdary – 14,1%-ǵa,
- qurylys materıaldary – 5,3%-ǵa ósti.
Qurylys salasynda ósim iri ınfraqurylymdyq jobalardy júzege asyrýmen baılanysty bolyp otyr, 2024 jylǵy qańtar-qyrkúıektegi 14,9%-ben salystyrǵanda 15,1%-dy qurady.
Aýyl sharýashylyǵy salasy maýsymdyq ósý fazasyna endi. Jalpy ónim kólemi qańtar-qyrkúıek aılarymen salystyrǵanda 1,0 p. t.-ǵa jedeldep, 5,4%-ǵa artqan. О́simdik sharýashylyǵynda ósim 6,7%-ǵa, mal sharýashylyǵynda 3,4%-ǵa jetken. Jalpy ónimniń ósýi memlekettik qoldaý sharalarymen, agrotehnologııalardy saqtaýmen jáne egin jınaý kezindegi qolaıly aýa-raıymen baılanysty bolyp otyr. Birqatar óńirde dándi daqyldardyń ónimdiligi artty, olardyń ishinde Aqmola (+13,6%), Qostanaı (+14,9%), Pavlodar (+7,4%) oblystary bar. Sút óndirisi 5,2%-ǵa, et óndirisi 2,8%-ǵa, jumyrtqa óndirisi 1,4%-ǵa ósti.
Saýdada ósim deńgeıi 9%-dy qurady. О́sý qarqyny saladaǵy úlesi 66,5% bolatyn kóterme saýda kásiporyndarynda baıqalyp otyr. Aınalym qarajatynyń ulǵaıýy Astanada jáne Pavlodar, Atyraý oblystarynda tirkelgen.
Kólik salasynda da ósimniń joǵarǵy qarqyny saqtalyp otyr. Barlyq kólik túri boıynsha tasymaldyń ósýine baılanysty kólik qyzmetiniń kólemi 20,7%-ǵa artqan.
Úkimet basym salalardy qoldaýǵa, ekonomıkany ártaraptandyrýǵa jáne ınvestısııalar tartýǵa basa nazar aýdara otyryp, sapaly ekonomıkalyq ósimdi qamtamasyz etýge baǵyttalǵan Prezıdent tapsyrmalaryn oryndaý úshin jumys istep jatyr.
