Sýret: atomic-energy.ru
- 14–16 qarasha aralyǵynda AQSh-tyń Leık-Plesıd qalasynda mánerlep syrǵanaýdan Gran-prı týrnıriniń jalaýy jelbireıdi. Oǵan jerlesimiz Mıhaıl Shaıdorov ta qatysady. Jarys qorytyndysynda 5–8 jeltoqsan kúnderi Japonııanyń Nagoıa qalasyndaǵy fınaldyq kezeńde óner kórsetetin úmitkerler anyqtalady. Kúnshyǵys elindegi dodada kelesi jyly Italııada alaýy tutanatyn qysqy Olımpııa oıyndarynyń joldamalary sarapqa salynady.
- Mánerlep syrǵanaýdan Osakadaǵy Gran-prıde elimizdiń 18 jastaǵy sportshysy Sofıa Samodelkınanyń sensasııalyq nátıjege qol jetkizip, kúmis medaldy ıelengeni belgili. Osy tabysynyń arqasynda ol ISU reıtınginde birden toǵyz satyǵa joǵarylap, qazir 28-orynda tur.
- Lozannada (Shveısarııa) «Olympism 365» komıssııasynyń otyrysy ótti. Oǵan elimizdiń Ulttyq Olımpıada komıtetiniń (UOQ) prezıdenti Gennadıı Golovkın qatysty. Sharanyń basty maqsaty – tehnologııalyq, áleýmettik, geosaıası jaǵdaılarda olımpıadalyq ınstıtýttardyń turaqtylyǵy men ózektiligin saqtaý, onyń básekege qabilettiligin arttyrý, Olımpıada qozǵalysynyń saıasatyn jańartý ári basqarý júıesin jetildirý.
- Taıland astanasy Bangkokte djıý-djıtsýdan ótken álem chempıonatynda elimizdiń ulttyq quramasy 11 altyn, 16 kúmis, 13 qola medaldy ıelenip, jalpy komandalyq esepte jeke-dara kósh bastady. Ekinshi, úshinshi oryndardy beıtarap qurama (10+7+17) men Vetnamnyń sportshylary (8+7+10) enshiledi. Jerlesterimizdiń arasynan Talant Toqtybaev, Aqbar Elýbaıuly, Aqjúnis О́tebaeva, Maqsat Tólendi, Maqsat Muratuly, Atakeldi Esetov, Aslan Qanatbek, Ábý-Bákir Jánibek, Jibek Qulymbetova, Sherhan Jaqsylyq, Bekzat Baımuratov teńdessiz dep tanyldy.
- О́tken aptanyń aıaǵynda Qurlyqtyq hokkeı lıgasynda (QHL) kúsh synasyp júrgen «Barystyń» oıynshylary eki ret muz aıdynyna shyqty. Alǵashynda olar overtaımda Ekaterınbýrgtiń «Avtomobılsinen» aılasyn asyrdy – 3:2. Alaıda odan keıin turaqty birinshiliktiń jarys kestesinde kósh bastap turǵan Magnıtogorskiniń «Metallýrgine» ese jiberdi – 1:4.
