Foto: Almaty.tv
«Almaty» telearnasynyń habarlaýynsha, keıbir synyptarda muǵalimderge de oqýshylardy ajyratý qıyn. Solardyń ishinde 11-synyp oqýshylary Ondasyn men Nursıpat kózge túsken.
«Men boksqa qatysamyn. Jıi oqý-jattyǵý jıyndaryna, jarystarǵa ketemin. Apam sabaqty jaqsy oqıdy, úı tapsyrmasyna kómektesedi», deıdi Ondasyn Asylbekov.
Bul mektepte bir shańyraq astynda eki býyn egizder oqıtyn otbasylar da bar. Mysaly, Aqnur men Bıbinur – bastaýysh synyp oqýshylary, al olardyń ápkesi Sara men aǵasy Salman – 8-synyptyń baǵdarlamasyn meńgerip júr. Syrt kelbetteri uqsas bolǵanymen, minezderi bir-birine múlde kereǵar.
«Men oqýdy jaqsy kóremin, al Salman sportqa beıim. Men aýyrsam, ol da ózin jaısyz sezinedi, al eger ol syrqattansa – men de mazasyzdanamyn», deıdi Sara men Salman.
Muǵalimderdiń aıtýynsha, egiz jáne syńar balalar komandalyq rýhy joǵary, meıirimdi, bir-birine degen qoldaýy erekshe ári oqý jetistikteri de ortasha deńgeıden joǵary eken.
«Olarda baýyrmaldyq sezim aıqyn. Bir-birine kómektesýge daıyn, meıirimdi, nıetteri taza. Jyly júrekti, janashyr balalar», deıdi №32 jalpy orta mekteptiń dırektory Rahıma Júnisova.
