Ulttyq quramasynyń ókili Faına Meırmanova bıiktikke sekirýden 1,79 metr nátıje kórsetip, Sýrdlımpıada oıyndarynyń rekordyn jańartyp, chempıony atandy. Kúmis júldeni 1,76 m nátıjesimen beıtarap sportshy Sýraves Anna ıelense, qola júldeni 1,67 m nátıjesimen slovakııalyq Glonarık Leıa enshiledi.
Faına Meırmanova – jeńil atletıkadan halyqaralyq dárejedegi sport sheberi. 2024 jyly Taıbeıde (Taıvan) ótken álem chempıonatynda bıiktikke sekirýden 176 sm nátıjesin kórsetip, 20 jasqa deıingi sportshylar arasyndaǵy álemdik rekord ornatqan. 2024 jylǵy Azııa-Tynyq muhıty oıyndarynyń uzyndyqqa sekirýden chempıony atandy. Faınanyń jasy 19-da, ol Shyǵys Qazaqstan oblysynyń týmasy. Sportpen 7 jylǵa jýyq aınalysyp keledi.
Eske salsaq, Sýrdlımpıada oıyndarynyń alǵashqy jarys kúninde bizdiń dzıýdoshylar el qorjynyna 4 medal (2 altyn jáne 2 qola) salǵan bolatyn.
