Foto: Erlan OMAR, «EQ»
Súleımenovtiń sózinshe, bul qadam qaryz alýshylardyń tólem qabiletin baǵalaıdy. Sondaı-aq, jalpy bereshekti shekteý úshin qoldanylady.
«Halyqtyń shamadan tys kredıt alýyn shekteý úshin jańa makroprýdensıaldy qural – kiriske qatysty borysh koeffısıenti iske qosylady. Bul qural halyqaralyq praktıkada qaryz alýshylardyń tólem qabiletin baǵalap, olardyń jalpy bereshegin shekteý úshin keńinen qoldanylady. Osy koeffısıenttiń naqty máni esepteledi. Ony kelesi jyldyń birinshi jartysynda iske qosýdy josparlap otyrmyz», dedi Ulttyq bank tóraǵasy.
Sonymen qatar, 2026 jyldyń 1 qańtarynan bastap bankterge qatysty jańa salyq tártibi engiziledi:
- Bólshek nesıelendirýden túsetin kiris boıynsha korporatıvtik salyqtyń mólsherlemesi – 25%,
- Bıznesti nesıelendirýden – 20% tabys salyǵy belgilenedi.
Budan bólek, «qazir satyp al da, keıin tóle» (BNPL) qyzmetin retteý tásilderi engiziledi.
Ulttyq bank basshysy jańa Salyq jáne Bıýdjet kodeksteri memlekettik qarjynyń ashyqtyǵyn arttyrýǵa, josparlaý sapasyn jaqsartýǵa jáne Ulttyq qorǵa táýeldilikti tómendetýge baǵyttalǵanyn atap ótti.
