Format tolyqtaı Qazaqstanda ázirlengendikten, avtorlyq quqyqtar, franshıza jáne monetızasııalaý múmkindikteri otandyq ındýstrııaǵa tıesili. Bul kreatıvti sektor úshin múlde jańa kókjıekter ashady.
2025 jyly jobanyń jeńimpazy Mońǵolııadan kelgen qatysýshy Mıshel Djozef boldy. Bul jeńis baıqaýdyń halyqaralyq deńgeıin jáne óńirdegi talanttarǵa ashyq ekenin taǵy bir márte dáleldedi.
Statıstıka Silk Way Star-dyń tanymaldyǵy artyp kele jatqanyn kórsetedi. Áleýmettik jelilerdegi aýdıtorııanyń geografııasy 43 eldi, paıdalanýshylar sany 143 mıllıonnan astam adamdy, al jalpy qaralymdar 300 mıllıonnan asyp tústi. Qazaqstan úshin bul — quqyqtar men lısenzııalardy satý, jarnama naryǵyn keńeıtý, demeýshilik kelisimsharttarynyń kóbeıýi sııaqty naqty ekonomıkalyq múmkindikter.
Silk Way Star elimizdiń kreatıvtik ındýstrııasyn da alǵa súırep otyr: prodakshn-stýdııalarǵa, dızaınerlerge, mýzykanttarǵa, SMM jáne analıtıka salasynyń mamandaryna degen suranys artyp keledi. Sonymen qatar joba Qazaqstannyń óńirlik mádenı dıplomatııa ortalyǵy retindegi ımıdjin kúsheıtedi.
Bolashaqta jobany aýqymdaý Qazaqstanǵa Eýrazııanyń jetekshi medıa haby mártebesin bekitýge jol ashady. Sarapshylardyń boljamynsha, aldaǵy jyldary medıa men kreatıvti ekonomıkaǵa tartylatyn ınvestısııalar 50–70 mıllıon dollarǵa jetýi múmkin, al salanyń JIО́-degi úlesi eki esege ulǵaımaq.
