Konferensııa salanyń eń úlken kásibı oqıǵasynyń biri retinde jetekshi ǵalymdar men ınjenerlerdi, memlekettik organdar men salalyq uıymdar ókilin biriktirgen mańyzdy alańǵa aınaldy.
Is-sharany Kólik mınıstrliginiń qoldaýymen «Qazaqstan jol ǵylymı-zertteý ınstıtýty» (QazjolǴZI) uıymdastyrdy. Mınıstrlik tapsyrmasyna sáıkes, «QazjolǴZI» avtojol salasyna jańa tehnologııalar men ǵylymı jetistikterdi engizý baǵytynda keshendi jumystar júrgizip jatyr. Instıtýt álemdik tájirıbeni zerttep, negizgi ınnovasııalardy taldap, olardy otandyq jaǵdaıǵa beıimdeýdiń múmkindikterin baǵalaıdy. Sóıtip, paralleldi túrde elimizdegi jol salasynyń ǵalymdary ózderiniń ázirlemelerin júrgizip keledi.
«Búgin avtojol salasynyń damýyna arnalǵan bólek baǵdarlamany qalyptastyryp otyrmyz, onda kólik ınfraqurylymyn qalyptastyrý men qurylys salasynda eń jańa tehnologııalardy engizýdi josparlap jatyrmyz», dedi Kólik vıse-mınıstr Máqsat Qalıaqparov.
Konferensııaǵa AQSh, Túrkııa, Reseı, Italııa men Eýropalyq odaq elderi, barlyǵy 20-ǵa jýyq memlekettiń salalyq sarapshylary qatysty. Olar jol salasynyń qurylys pen kútip ustaý salasyndaǵy jańa ázirlemeler men ádisterdi tanystyrdy.
Otandyq ári sheteldik qatysýshylar mańyzdy is-sharada jol sektoryn damytýdaǵy basty máselelerdi talqylady. Basty nazarda qaýipsiz joldar, standarttaý men sapa baqylaýy, ıntellektýaldy kólik júıelerin engizý men sıfrlandyrylýy, sondaı-aq joldardy qysqy ýaqytta kútip-ustaý sııaqty salanyń damýyndaǵy mańyzdy baǵyttar boldy. Bul máseleler ásirese qatal klımattyq jaǵdaıy bar elder úshin asa ózekti.
Konferensııa ǵylymı sheshimder men óndiristik tájirıbelerdi biriktirip, jol salasynyń eń ótkir máselelerin sheshýdiń ortaq kózqarasyn qalyptastyrýǵa múmkindik berdi. «QazjolǴZI» ókilderi otandyq ázirlemelerdiń búgingi tańda sala transformasııasynyń mańyzdy bóligine aınalyp, tájirıbede naqty nátıjeler kórsetip jatqanyn atap ótti.
«QazjolǴZI» ázirleıtin materıaldar men tehnologııalar qazirgi ýaqytta tájirıbelik paıdalanýǵa engizilip jatyr. Alynǵan nátıjeler olardyń tıimdiligin naqty jaǵdaıda rastap otyr.
Qazirdiń ózinde otandyq jol ǵylymı zertteýleri, joldardy kútip ustaý men jańa obektiler qurylysynda suranysqa ıe básekege qabiletti sheshimder usynyp otyr. Konferensııada «QazjolǴZI» ǵalymdary ázirlegen birqatar otandyq qospalar men materıaldardy tanystyrdyq. Biz bul tehnologııalardy belsendi túrde engizip jatyrmyz ári alǵashqy nátıjeler olardyń tıimdiligin naqty jaǵdaıda kórsetip otyr», deıdi «QazjolǴZI» ǵylymdy jáne ınnovasııalardy damytý departamentiniń dırektory Adııa Jumaǵulova.
Otandyq ázirlemeler qatarynda ǵalymdar kóktaıǵaqqa qarsy materıaldar, topyraq turaqtandyrǵyshtar men jol jamylǵylarynyń tózimdiligin arttyrýǵa baǵyttalǵan ınnovasııalyq qospalardy erekshe atap ótti. Bul sheshimder jol aktıvteriniń qyzmet etý merzimin uzartýǵa ári paıdalaný shyǵyndaryn tómendetýge múmkindik beredi. Tehnologııalardy jergiliktendirý elimizdiń salalyq táýelsizdigin nyǵaıtyp, halyqaralyq naryqqa otandyq ónimderdi shyǵarýǵa múmkindik beredi.
