Osylaısha, bıylǵy on bir aı ishinde oblystyń 10 aýdanynyń ishinen 8 aýdan men 1 qalada 42 saılaý naýqany uıymdastyryldy. Olardyń 39-y – ákimderdiń ókilettik merziminiń aıaqtalýyna, úsheýi merziminen buryn toqtatylýyna baılanysty ótkizildi. Osylaı saılanǵan ákimniń biri – Kóksý aýdanyna qarasty Balpyq aýyldyq okrýginiń ákimi Tólegen Qojabekov.
«Halyqtyń pikiri qashanda mańyzdy. Osy aýyldyń azamaty bolǵan soń baǵymdy taǵy bir ret synap kóreıin dedim. Aýyl turǵyndary qoldady. Qazir okrýgimiz erekshe damyp keledi. Jol máselesi de sheshimin tapty. Kógildir otyn keldi. Halyqtyń aryz-ótinishi qalys qalyp jatqan joq», deıdi aýyl ákimi.
Saılaý úderisine oblystyq, 9 aýdandyq jáne qalalyq aýmaqtyq saılaý komıssııalary men 98 ýchaskelik komıssııa jumyldyrylyp, jalpy 632 músheden turatyn uıymdastyrý qurylymy jumys istedi. Saılaýshylar tizimine 82 269 adam engizilip, onyń 66 831-i daýys berýge keldi. Nátıjesinde, qatysý kórsetkishi 81,2 paıyzdy qurap, aýyldyq jerlerdegi saıası belsendiliktiń áli de joǵary ekenin kórsetken.
«Odan bólek, óńirde úmitkerlerdi usyný kezeńi de tartysty ótti. 42 okrýg boıynsha barlyǵy 151 kandıdat usynylyp, olardyń 84,6 paıyzy – ózin-ózi usynǵan azamattar boldy. Al saıası partııalar tarapynan 23 úmitker tirkeldi, onyń 21-i «Amanat» partııasynan, ekeýi – Qazaqstan Halyq partııasynan. Jalpy alǵanda, bir orynǵa ortasha eseppen 3,6 kandıdattan kelip, saılaýdyń básekelestik deńgeıi aıtarlyqtaı joǵary boldy. Eń kóp úmitker Aqsý aýdanynyń Aqsý aýyldyq okrýginde tirkelip, ol jerde bir orynǵa alty adam talasty. Al eń tómen básekelestik deńgeıi 8 aýdannyń 22 okrýginde baıqaldy, árqaısysynda 3 úmitkerden ǵana usynyldy», deıdi Jetisý oblysynyń aýmaqtyq saılaý komıssııasynyń tóraǵasy Tımýr Daýtov.
Onyń aıtýynsha, 30 naýryzda Panfılov aýdandyq máslıhatynda shyǵyp qalǵan orynǵa 1 depýtat saılandy. Saılaýǵa 2 aýmaqtyq saılaý komıssııasy, 1 okrýgtik saılaý komıssııasy, 3 ýchaskelik saılaý komıssııasy, barlyǵy 39 komıssııa múshesi qatysty. Saılaýshylar tizimindegi sany – 5 370, daýys berýge qatysqandar – 3 942. Bul óte jaqsy kórsetkish sanalady.
Onyń aıtýynsha, úmitkerlerdiń birqatary ártúrli sebeptermen saılaý úderisinen shettetildi. Barlyǵy 25 kandıdat tizimnen alynyp, olardyń 12-si memlekettik qyzmet týraly zań talaptaryna sáıkes kelmegen. Taǵy 9 adam óz erkimen bas tartqan, onyń ishinde jeteýi tirkeýden keıin ótinish bergen. Úsheýi qujattar toptamasyn tolyq tapsyrmaǵandyqtan ótkizilmeı qalsa, bireýiniń saılaýshylar qoly jalǵan bolyp shyqqan. Al bir úmitker úgit júrgizý tártibin buzǵany úshin tizimnen shyǵaryldy. Nátıjesinde, saılaýǵa 128 kandıdat qatysqan. Bul – bir orynǵa ortasha 3,05 úmitkerden keletin deńgeı.
«Básekelestigi eń joǵary okrýg taǵy da Aqsý aýdanynyń Aqsý aýyldyq okrýgi boldy, munda tórt kandıdat baq synady. Al eń tómen básekelestik Qaratal aýdanyndaǵy Bastóbe jáne Eskeldi aýdanynyń Tólengút aýyldyq okrýgterinde tirkeldi, bul aýyldarda árqaısysynda eki úmitkerden ǵana usynyldy», deıdi Jetisý oblysynyń aýmaqtyq saılaý komıssııasynyń múshesi Samat Beısenov.
Bıylǵy aýyl ákimderin saılaý jergilikti basqarý júıesindegi demokratııalyq úderisterdiń odan ári damyp kele jatqanyn kórsetken mańyzdy saıası oqıǵa boldy. Qoǵamdyq belsendilik te, úmitkerlerdiń sany da jergilikti ózin-ózi basqarýǵa degen qyzyǵýshylyqtyń kúsheıgenin baıqatady.
Jetisý oblysy
